مشاوى كفتة وكباب على الفحم بالصور من مطبخ الشيف منى عبد المنعم

طريقة العمل

هنا دة شكل اللحم المفرمة وشرائح الكباب وطبعا دى لحمة ضانى لانها الافضل فى الشوى 

وهنا انا هاقولكم على تتبيلة جميلة جدا للكفتة والكباب مع بعض وهى نحضر وعاء الخلاط ونضع فية حبة واحدة طماطم وفلفل اخضر وبصلتين مقطعين وعودين بقدونس وعصير 2 ليمونة ونصف كوب ماء 

نحصل على هذة الخلطة 

نحضر مصفاة ونصفى الخليط فوق شرائح اللحم بهذا الشكل 

والتفل اللى فى المصفاة نضعة على اللحم المفروم الخاص بالكفتة 

ثم نضيف ملح وفلفل اسمر فقط حسب الكمية ونخلط جيدا لنحصل على هذا الشكل فى الكباب والكفتة 

يفضل تتبل قبلها بيوم او قبلها بكام ساعة نصبع الكفتة على هيئة اصابع بيضاوية ونضغط عليها باليد قليلا

وممكن فى اسياخ بس فى الحالة دى توضع فى الاسياخ وتوضع فى الثلاجة حتى تتماسك ومن الثلاجة على السلك فوق الفحم ونقفل عليها السلك حتى تتماسك علشان ما تقع وتفك من السيخ بسبب الدهن اللى فى اللحم

طبعا نكون مولعين الفحم انا باخذ كام قطعة كبيرة واحطهم على عين البوتجاز حتى تصبح جمرة اشيلهم واوزعهم على الفحم واشغل المروحة حتى يتجانس باقى الفحم ويولع وطبعا انا بشوى على الروف او فى البالكونة علشان ريحة الدخان نرص وحدات الكفتة والكباب على الشبكة السلك الخاصة بالشواء 

مع تقليب السلك بهذا الشكل الى ان تاخذ لون بنى فاتح والافضل ما تبقاش ناشفة يعنى علشان تكون طرية 

واستمتعوا باحلى طبق كباب وكفتة بيتى مضمون مية فى المية ويقدم على بقدونس ويقدم معة سلطات وممكن رز بسمتى وبالهنا

***منوس ننوس**

(منى عبد المنعم )