أسهل طريقة لعمل مخ بالبقدونس على الفحم بالصور والخطوات من مطبخ منوس

هنا دة شكل المخ عند شراؤه من الجزار
وله طريقتان للطهى كالتالى :

إما هذه الطريقة المخ على الفحم أو طريقة المخ البانيه من هنا

طريقة عمل مخ بانيه بالصور والخطوات

طريقة التحضير والإعداد

نغسلة كويس بالدقيق والخل والماء وينتركة خمس دقايق منقوع ثم نغسلة كويس

نعمل تتبيلة عبارة عن بصلة كبيرة مبشورة ناعم وفصين ثوم مفرومين وملح وفلفل ونصف ليمونة ندعك البصل والثوم بالملح والفلفل والليمون ونخلطلة على المخ ونتركة شوية ياخد طعم التتبيل 

ثم نضع كمية من الماء وفيرة تغلى ونضع فية المخ بالخلطة كلها وطبعا لزيادة النكهات نضع ورق لورة وفصين حبهان ومستكة وملح ونتركة يستوى نتركة شوية خمس دقايق وبعدين نعمل شق فى كل فص حتى نضمن انة استوى وخلوا بالكم مش بياخد وقت خالص

ودة شكلة بعد ما سلقناة فى المرحلة دى بقة نتركة يبرد خالص 

ثم نقطعة الى شرائح رقيقة ممكن نحتفظ بية فى المرحلة دى فى الفريزر بعد التقطيع ونفصل بينهم بالنايلون

يعنى سواء هانعملة بانية او بالفحم والبقدونس لازم نعمل الخطوات دى

ودة شكلة بعد التقطيع 

هنا علشان نعملة بالفحم نحضر طاسة او حلة ونضع معلقة سمنة ونشوح فيها المخ تلسيع كدة يا دوب دقيقتين مع رشة فلفل اسمر 

ثم نضع قطعة من الفحم على النار حتى تصبح جمرة نقوم بوضع قطعة من الفويل فى وسط المخ ونضع بسيط سمنة او ناخد من الطاسة نفسها ثم نضع الفحمة الجمرة فيها ونغلق الاناء حتى تاخد طعم الشواء بالفحم 

ثم يقدم وتحتة بقدونس مفرومة كمية وفيرة ورشة من فوق كمان ويقدم ممكن مع بطاطس او سلطة او مكرونة حسب الرغبة

ودة شكلة النهائى يا رب يعجبكم

**منوس ننوس**

(منى عبد المنعم )