طريقة العمل والتحضير
هنا طبعا بنسلق اللحمة فى ماء وفصين حبهان وورق لورة
ومستكة وبصلة صغيرة ومكعب مرقة
هنا انا قطعت خبز مكعبات انا بحب الخبر الشامى فى الفتة وحمصته فى معلقة سمنة فى طاسة على البتوجاز وممكن تحطوه فى صينية فى الفرن مع معلقة زبدة
وهنا نحضر الفتة نحط معلقة سمنة فى طاسة ونقلب فيها ثوم مفروم وبعدين نحط علية معلقة خل كبيرة وبعدين نحط العيش ونقلبه ونحط فوقه شوربة ونتركه يتشرب الشوربة وهو على النار مع اضافة الملح والفلفل الاسمر
هنا بقى نغرف الفتة ممكن فى طبق كبير وممكن فى اطباق فردية انا هنا عملته فى اطباق فردية نضع طبقة من الخبز وفوقها طبقة من الرز الابيض
وفى المنتصف لحمة وانا هنا محمرة اللحمة وممكن نتركها مسلوقة، وفيه ناس بتحب الفتة مع طشة الثوم والخل ويرشوها فوق الارز كمان بالإضافة للعيش سابقاً بيديها طعم لا يقاوم وبيفتح النفس وممكن نقدم مع الفتة شوربة لسان عصفور
وبالهنا والشفا يارب ولا تنسونى بصالح دعائكم
وبالهنا والشفا يارب ولا تنسونى بصالح دعائكم
** منوس ننوس **
(منى عبد المنعم)
تعليقات
إرسال تعليق