طريقة العمل والتحضير
هنا دى شكل الكوارع انا بجيبها نظيفة جدا من الجزار
وبغسلها كويس بالخل والدقيق والملح
شايفين شكلها نظيفة ازاى وكمان الكوارع دى مفيدة جدا
للعظام لانها تحتوى على خلاصة النخاع المفيد للعظام
طبعا بتكون مقطعة الى قطع متوسطة وهنا انا بحطها فى حلة الضغط
مع ثوم مفروم كتير وورقة لورة وفصين حبهان وفصين مستكة
ومعلقة سمنة وفلفل اسمر ونشوحها كويس
وبعدين نصب كمية من الماء كافية تغطى الكوارع علشان نسلقها كويس
زى اللحمة كدة وطبعا لما تغلى ننزع الريم اللى بيطلع على الشوربة
وتقدم بالهنا مع ارز ابيض مصرى طبعا بيتاكل النخاع اللى جواها
ومش كل الناس بتحبها طبعا انا عن نفسى اعملها كويس جدا لكن مش باكلها
وعموما هى جيلاتينية وتقدم بالهنـــــــــــــــــــــــــــــــــا
** منوس ننوس **
( منى عبد المنعم )
تعليقات
إرسال تعليق