طريقة عمل طرب الكفتة المشوية بالصور والخطوات بالمنزل من طبخات لحوم منى عبد المنعم

طريقة العمل والتحضير

هنا دة شكل الطرب او ما يسمى بالمنديل

وهو عبارة عن غشاء دهنى ابيض 

بيكون كبير قطعة واحدة على بعضة نقطعة الى مربعات بهذا الشكل 

وهنا دى اللحمة المفرومة نتبلها بخليط عبارة عن طماطماية وفلفللاية خضراء

وليمون وعودين بقدونس وملح وفلفل اسمر نضربهم فى الخلاط

مع ربع كوب ماء ونصفيهم ناخد التفل نضعة على الكفتة

والماء على شرائح اللحمة بهذا الشكل

وهنا اللحمة المفرومة المتبلة 

وهنا ناخذ قطعة من اللحمة المفرومة ونعملها كفتة بيضاوية

بهذا الشكل ونضعها على الطرب بهذا الشكل

ونلفها كويس ونساويها بالشكل دة طبعا هى لما بتتشوى على الفحم

الدهن دة بيسيح بس بيدى طعم حلو بس دسم جدا

وهكذا الى ان ننتهى من الكمية طبعا انا بعمل عينة بس منة يعنى لو كل واحد

ياخد واحدة بس والباقى بعملة كفتة عادية بدون طرب 

ودة شكل الكفتة

وهنا وهى على الفحم طبعا بحطها فى شبكة الشواء

انا هنا حاطة طرب وكفتة وشرائح كباب لحمة 

وتقدم بالهنا

منوس ننوس

منى عبد المنعم