طريقة عمل السويسرول بأشكال مطبوعة بالصور والخطوات من مطبخ منوس

المقادير

4 بيضات

فانيليا

نصف ليمونة

كوب إلا ربع سكر بودرة ناعم

كوب دقيق منخول

معلقة صغيرة باكينج بودر

معلقة كبيرة ماء عادى

طريقة العمل

نخفق البييض والسكر والفانيليا والليمون الى ان يهش ويبيض

ويصبح بهذا الشكل

ننخل الدقيق والبودر ونبدا نضيفة ونخلط بالاسباتيولا برفق من تحت لفوق

ثم نضيف معلقة الماء وناخذ جزء من الخليط ونلونة حسب الرغبة

وهنا انا حطيتة فى قمع كيس لسهولة الاستخدام نحضر صينة مربعة او مستطيلة
ونضع فيها ورقة زبدة ونرسم اى شكل نحبة ولو مش هاتعرفى تتقنى الرسمة
ممكن ترسمى بالققلم الرصاص على الورقة من تحت وتمشى عليها
من فوق بالخليط انا هنا بصراحة رسمتها على طول من دماغى

بعد ما نرسم نحط الصينية فى الفريزر تجمد خمس دقايق كدة

ملاحظين الفرق دة شكلة وهوة متجمد نضيف باقى الخليط علية
ونضعة مباشرة فى الفرن عشر دقايق بالكتير

واول ما تطلع اهم حاجة ما تغبش فى الفرن نقلبها ودة شكلها

ونشيل ورقة الزبدة

ونرجع نجيب ورقة زبدة تاية ونرش عليها سكر بودرة او فوطة مطبخ مبلولة

ونقلب السويس رول ونلفة على طول وهوة سخن ونتركة يبرد خالص

ثم نفكة تانى براحة ونحشية كريم شانتى ومربى مشمش

ونلفة تانى ونحطة فى الثلاجة وهنا شكلة وهوة متقطع

وهنا دة الشكل النهائى للقالب كلة وبالهنا

وطبعا ممكن تبتكروا فى التصاميم والالوان والاشكال 

منوس ننوس

منى عبد المنعم