المقادير والمكونات
4كوب دقيق +نصف كوب بودرة حليب +كوب زبادى +كوب حليب دافئ للعجن +1ونصف معلقة كبيرة خميرة فورية +معلقة صغيرة سكر +معلقة صغيرة ملح +ربع كوب زيت
مع مراعاة استعمال نفس الكوب فى عيار جميع المقادير
طريقة التحضير
نضع كل المقادير الجافة مع بعض ونخلط
ثم الزيت والزبادى
ثم الحليب الدافئ ونعجن
الى ان نحصل على عجينة طرية ومتماسكة مع مراعاة فى الاخر لو احتاجت حليب زيادة ممكن نزود ولو احتاجت رشة دقيق كمان ممكن عادى يعنى العجينة مرنة ونغطيها ونتركها تخمر
ودة شكلها بعد ما اختمرت
هنا نكون محضرين الكورنيهات (اقماع استانلس) خاصة بالمعجنات او الكنافة
ناخد جزء من العجينة ونفردها على الرخامة المرشوشة بالدقيق على شكل مستطيل ثم نقطعة الى شرائط طولية بسمك 1 سم بهذا الشكل
ناخد الكورنية وناخد شريط من العجينة بهذا الشكل وندهن القمع زيت بسيط ونبدا نلف العجينة من تحت لفوق واحنا بنلف نخلى جزء من العجينة على الجزء اللى قبلة بهذا الشكل
الى ان نحصل على هذا الشكل
نكون مجهزين صينية الفرن ومدهونة زيت نرص فيها الكورنيهات بهذا الشكل الى ان تنتهى الكمية نتركها خمس دقائق فقط ترتفع شوية وندهنها بالكاتشب وندخلها الفرن بتاخد حوالى ربع ساعة فقط
ودة شكلها اول ما طلعت من الفرن نسحب منها الاقماع بهذا الشكل ونحشيها حسب الرغبة ممكن حادق وممكن حلو
انا هنا عملتها حادق حشيتها جبنة كريمى من جوة ومن فوق غمستها فى الجبن الرومى المبشور
ودة الشكل النهائى يارب تعجبكم
**منوس ننوس**
(منى عبد المنعم )
تعليقات
إرسال تعليق