القائمة الرئيسية

الصفحات

طريقة عمل بسبوسة باللوز والمكسرات السريعة بالتفصيل من مطبخ منوس ننوس



المقادير والمكونات

400 جرام دقيق سامولينا (سميد) 2معلقة كبيرة عسل نحل +كوب حليب او زبادى +كوب سكر بودرة +باكو باكينج بودر او ما يعادل 2 معلقة صغيرة +100 جرام سمن مذاب +50 جرام جوز هند

وطبعا نحضر شربات عبارة عن كوب ونصف ماء عليهم ثلاثة ارباع كوب سكر وعصير ليمونة كلة على بعض على نار الى ان يتقل شوية 

ملحوظة البسبوسة تكون سخنة والشربات كمان ساخن يعنى اول ما تطلع تسقى مباشرة بشربات ساخن كدة هاتكون طرية جدا


نضع المقادير الجافة على بعض ونخلط


ثم السمن المذاب 


بتكون بهذا الشكل 


ثم نذوب العسل فى اللبن او الزبادى ونضيفة ونخلط كويس


نكون محضرين صينية بيتزا مدهونة بسمن او زبدة ويصب فيها الخليط


وهنا انا زينتها باللوز المقشر وطبعا ممكن بندق حسب الرغبة وتوضع فى الفرن حوالى ثلث ساعة حتى تحمر


ودة شكلها اول ما طلعت من الفرن سقيتها مباشرة بالشربات وتقدم بالهنا
**منوس ننوس**
(منى عبد المنعم ) 


تعليقات