طريقة عمل صوص البشاميل
انا قلت اعمل لكم المقادير بالكوب علشان تكون اسهل والطريقة دى مضبوطة جدا وبتكون زى الكريمة
بس علشان يكون البشاميل ناجح وطعمة حلو لازم يتعمل بسمنة كتير
المقادير والمكونات
هنحتاج 3ملاعق كبيرة سمنة و2كوب دقيق و7كوب حليب لو عايزين كمية اصغر نقسم المقدار مع مراعاة ان الكوب اللى بنعاير بية الدقيق يكون نفس كوب معيار الحليب وطبعا ملح وفلفل اسمر او ابيض حسب الرغبة
نحط السمنة فى حلة على النار الى ان تسخن كويس نبدا نضيف الدقيق دفعة واحدة
ونقلب كويس لمدة دقيقة بيكون شكلة زى الصورة كدة سائل مش كتلة واحدة
نضيف كل كمية الحليب دفعة واحدة على طول ونضيف الملح والفلفل ونقلب كويس بمضرب الشبكى مش هايعمل اى تكتلات خالص بالعكس هيكون كريمى جدا
نفضل نقلب الى ان يغلظ قوامة ويصبح بهذا الشكل ويستخدم فى اطباق كثيرة اهمها المكرونة بالبشاميل واللازانيا والكوسة بالبشاميل وغيرها كتير
مع تحياتى
**منوس ننوس**
(منى عبد المنعم )
تعليقات
إرسال تعليق