انا عاملة البيتزا دى بعجينة العشر دقائق
العجينة السحرية ذات الإستعمالات المتعددة
والشرح بالصور والخطوات تابعوا معايا
نصائح لنجاح عجينة العشر دقائق
1- ننخل الدقيق بمنخل ديق
2- استخدام كوب الماء العادى
3- استخدام معلقة الطعام الكبيرة العادية
المقادير والمكونات
مقادير المجموعة الاولى
2 كوب دقيق
2 معلقة كبيرة لبن بودرة
2 معلقة كبيرة خميرة فورية جافة
2 معلقة كبيرة سكر
نصف معلقة كبيرة ملح
2 كوب ماء دافئ وليس ساخن
مقادير المجموعة التانية
3 كوب دقيق
نصف كوب زيت
طريقة العمل والتحضير
الاول نخلط المقادير الجافة الخاصة بالمجموعة الاولى مع بعض
ونعجنها بالماء الدافئ كدة احنا استخدمنا مقادير المجموعة الاولى
ونقلب كويس بتكون عاملة زى خليط البان كيك
بهذا الشكل نغطيها ونتركها تخمر
دة شكلها بعد عشر دقائق علشان كدة سميت بهذا الإسم
بعد كدة نضيف الدقيق بتاع المجموعة التانية
ونعجن ممكن نحتاج ربع كوب كمان دقيق حسب الرطوبة اللى فى الدقيق
وبعدين نضيف الزيت ونفضل نعجن لما العجينة لونها يبيض خالص
شايفين شكلها جميل ازاى نغطيها ونتركها تخمر كويس فى مكان دافئ
شايفين شكلها بعد الخمر هنا بقة العجينة جاهزة لاستخدامها فى اى شئ
بيتزا او خبز فينو او كيزر او معجنات بصراحة رائعة زى الاسفنجة بالضبط
انا هنا اخدت جزء من العجينة وفردتة علشان اعمل بيتزا سمبوسك
فردتة على دقيق وعملتها مستطيل كبير
فردتة مستطيل كبير ثم مربعات صغيرة بالشكل دة ونضع كاتشب
وفلفل مقطع وزيتون وجبنة موزاريلا بالشكل دة
وبعدين نقفل الطرف على شكل سمبوسك ونضغط عليها بالاصبع ثم الشوكة
ونرصها فى صينة فرن مدهونة زيت خفيف وانا بحب ادهنها من فوق
بالكاتشب بالشكل دة نتركها تخمر شوية تانى ونخبزها فى الفرن
ودة شكلها النهائى بصراحة كانت تحفة جدا وطرية جدا جدا
** منوس ننوس **
( منى عبد المنعم )
تعليقات
إرسال تعليق