المقادير
لحمة مفرومة نية
جزر مكعبات
واحدة طماطم مكعبات
بصلتين مكعبات
بسلة مجمدة او فريش وكوبين ارز مصرى مغسول بدون نقع ولفة ورق جلاش وملح وفلفل اسمر وبهار لحمة ورشة جوزة الطيب حسب الرغبة
طريقة العمل
دة بيتعمل على مرحلتين الاول هانسوى الرز نحضر حلة مناسبة لكمية الرز والمكونات طبعا الكميات مفتوحة نضع معلقة كبيرة سمنة او زيت حسب الرغبة ونشوح اللحم المفروم
ثم نضيف معة البصل والجزر والفلفل الاسود ونستمر فى التشويح
ثم البسلة ونستمر فى التشويح مع اضافة البهارات
ثم نضيف الرز المغسول ونقلبة شوية
ثم نضيف عقد الرز ماء ونضبط الملح
ودة شكلة بعد ما استوى الالوانت جميلة جدا والطعم حكاية
هنا بقة نيجى للمرحلة التانية نجيب ورقة جلاش وندهنها بالسمنة ثم نضيف ورقة تانية بالشكل دة
وهنا نجيب اى طبق عميق من بتوع الشوربة مثلا بالشكل دة
ونبطنة بورقة الجلاش بالشكل دة
ونملاة بالارز المستوى مع الخضار واللحم وعلى فكرة ممكن بدل اللحم مكعبات دجاج صغيرة
ونضغط عليها ونتنى اطراف الجلاش لجوة بالشكل دة مع دهان سمنة
وعلى صينية فرن نقلبها بالشكل دة
ونكمل الكمية وندهنها بالسمنة او الزبدة وندخلها الفرن تتحمر
ودة شكلها مش بتاخد وقت خالص خمس دقايق
وممكن توضع فى طبق كبير للتقديم بالشكل دة
ودة شكلها من جوة رائعة بجد
او تقدم فى اطباق فردية مع سلطة يارب تعجبكم وبالهنا
تعليقات
إرسال تعليق