المقادير
3 بيضات
مكعب واحد مرقة لحمة
فلفل حب
3 مثلثات جبنة نستو
فنجان زيت صغير زى الصورة كدة
فصين ثوم صغيرين
ملح وفلفل ربع معلقة صغيرة
3 معالق كبيرة دقيق
على طرف المعلقة لون احمر من العطار اسمة (لعلة) هوة اسمة كدة او كركم احمر دة غير لون الحلويات على فكرة بس ماتكتروش اللى انا حاطاة فى الصورة دة طلع كتير جدا
دة لانشون اقتصادى لو تحبوا بقة تزودوا لحمة او فراخ مفرومة ممكن ربع كوب ولو هتعملوة بالفراخ يبقى مكعب المرقة يكون دجاج وبدون لون ماشى كدة
طريقة العمل
نضع كل المقادير فى الخلاط الكهربائى ماعدا الفلفل الحب ونخلط
نحصل على خليط كريمى متجانس نضيف الفلفل الحب ونقلبة بالمعلقة وممكن فى المرحلة دى نضيف زيتون لو تحبوا كمان هنا زى ما انتم شايفين لونة غامق شوية المفروض يكون افتح من كدة
هنا نصبة فى كيس نايلون من بتوع السندوتشات بالشكل دة
هنا انا عملت من الفويل شكل اسطوانة علشان اعرف الفة
وحطيت الكيس فى الفويل بالشكل دة وبعدين اقفل اطراف الفويل من فوق ومن الجوانب
بالشكل دة وكمان مرة تانية لفة كمان بفويل تانى
وبعدين نحطة فى كيس نايلون تانى ونربطة كويس علشان مفيش مية تدخل لة اثناء السوا
هنا نكون محضرين ماء مغلى نضع فية اللانشون ونتركة يستوى ساعة لكن او زودنا الكميات يبقى ساعة ونصف او ساعتين
وبعدين نسيبة يبرد وبعدين نضعة فى الثلاجة ساعة او اكتر ودة شكلة بعد ما برد
نقطعة ونقدمة بالهنا ومرة تانية معلش اللون زيادة شوية يارب يعجبكم
تعليقات
إرسال تعليق