دة صوص طماطم متسبك طبعا بنحتاجة فى عمل اغلب اصناف الخضار انا بعملة بطريقة سهلة جدا وخفيفة بدون ما نشوح البصل
المقادير والمكونات
تقريبية على حسب الحاجة
نحتاج الى كمية من الطماطم الطازجة المقطعة مع بصلة كبيرة مقطعة ومعلقة معجون طماطم لتعطى لون احمر للصوص
طريقة التحضير
نضع جميع المقادير السابقة فى وعاء الخلاط مع كوب ماء ونخلط جيدا لنحصل على عصير طماطم بالبصل ناعم ومتجانس
نضع معلقة كبيرة سمنة او زيت او الاثنين مع بعض حسب الرغبة يادوب تسخن شوية
طبعا ممكن نعمل كميات من الصوص دة ونتركة يبرد ونحفظة فى الفريزر لحين الحاجة
ينفع نعمل التجهيز المسبق دة قبل رمضان لتوفير الوقت
نصب عليها الخليط ونتركة على النار حوالى نصف ساعة الى ان يتسبك يعنى يتقل والدهن يظهر على السطح دة معنى التسبيك بهذا الشكل
وطبعا ممكن ننفذ نفس الصوص بس مع ثوم لبعض الاكلات الاخرى اللى بنحتاج فيها صوص طماطم بالثوم زى البامية او كفتة الرز
**منوس ننوس**
(منى عبد المنعم )
تعليقات
إرسال تعليق