طريقة عمل كاسات ترايفل بالفواكهه الرائع بالصور من مطبخ منوس ننوس

هنا نحتاج فى عمل الترايفل الى اى كيك موجود عندك ابيض او بنى او خليط انا لما بعمل كيك ويكون عندى زيادة بقطعة عشوائى كدة واحطة فى كيس نايلون فى الفريزر لاى وقت اطلعة واحطة ثوانى فى الميكرويف واستعملة على طول 

وكمان نحتاج الى كريم شانتى وقطع من الفراولة نقطعها ونضيف لها سكر ونتركها شوية بتطلع صوص حلو وكمان قطع من الكمبوت خوخ او اى نوع فاكهة تحبوة وكمان نحتاج الى قليل من شراب الكمبوت او صوص الفراولة اللى هايطلع

هنا نجيب الكاس ونضع فية جزء كريمة انا بحب احط الكريمة فى كيس حلوانى لسهولة التوزيع ونضع كيك ونسقية شراب كمبوت او صوص فراولة ثم قطع من الفاكهة وهكذا

بيكون دة شكلها نفضل نرتب الطبقات كيك صوص كريمة فاكهة وهكذا واخر طبقة تكون كريمة

بالشكل دة ونزينها ببواقى الفاكهة حسب الرغبة ونرش رشة صوص كمان

ودة شكل الطبقات من الجنب بتاخد شكل عشوائى والوان مختلفة 

ويبرد ويقدم بالف هنا مناسب جدا للصيف خفيف وسهل

بالهنا

**منوس ننوس**

(منى عبد المنعم )