تقميع وطبخ البامية الخضراء بالصور بطريقة الشيف منى عبد المنعم

طريقة التحضير

أول شئ بنجيب البامية ونقمعها يعنى نقطع الجزء اللى فوق على شكل مخروط بدون ان نثقب البامية وجزء صغير من تحت ونغلى ماء ونسقطة فيها للتعقيم والغسيل ومن الماء الساخن الى البارد مباشرة حتى تحتفظ بلون الاخضر وممكن تحفظ فى الفريزر فى المرحلة دى

لتحضير صلصة البامية نضع فى وعاء الخلاط 3 فصوص ثوم ونصف حبة فلفل اخضر مع طماطم مقطعة ومعلقة معجون طماطم وكوب ماء ونخلط جيدا الطريقة دى افضل من انك تقلى الثوم بتكون كدة خفيفة اكتر

وعلى النار نضع حلة وفيها معلقة سمنة ونسكب عليها خليط الطماطم ونكون محضرين لحمة مسلوقة نضعها فى الطماطم ونتركها تتسبك 

ونرش معاها فلفل اسمر الى ان تصل الى هذة المرحلة

كدة هى اتسبكت نضع البامية ونزود شوربة اللحمة ونتركها تستوى مع اضافة الملح 

الى ان نحصل على هذة النتيجة دة شكلها من قريب 

وتقدم بالهنا مع ارز ابيض مصرى بالهنا

**منوس ننوس**

(منى عبد المنعم )