تحضير محشى ورق العنب ولفه بالصور والتفصيل من مطبخ الشيف منى عبد المنعم

تحضير خلطة المحشى

هقولكم طريقة سهلة جدا نضع فى الخلاط طماطم مكعبات مع بصلة كبيرة وفصين ثوم ومعلقة كبيرة معجون طماطم مع كوب ماء ونخلط جيا ونصبة فى حلة على النار فيها معلقتين زيت على سمنة او زبدة حسب الرغبة

ويترك حتى يتسبك ثم نضع عليها كمية الرز المغسول والمنقوع والمصفى مع تشكيلة الخضرة البقدونس والكزبرة والشبت والبهارات المفضلة ملح فلفل كزبرة ناشفة

طريقة تجهيز و لف ورق العنب وعمله

هنا دة ورق العنب انا بجيبة طازة واقطع العنق بتاعة واغلى ماء واطفى النار واحطة فى الماء بملح وليمون واشيلو من الماء الساخن على البارد مباشرة 

وهنا نجهز الحلة اللى هانحشى فيها بوضع اعواد الورق ثم كام ورقة كدة فى قاع الحلة مع شرائح طماطم ورشة ملح وفلفل 

ناخذ ورقة ونخلى الناحية الناعمة تحت والخشنة فوق بالشكل دة ونضع معلقة من الحشو 

ثم نطوى الطرفين من الجانبين 

ثم نلف الباقى بهذا الشكل

نرصة فى الحلة بشكل منظم ومرتب 

ثم نبشر طماطم على الوجة ولو تحبوه حامض اكتر ممكن تعصروا ليمون كتير

ثم نضيف كمية شوربة او ماء مع مرقة وملح وفلفل ونضغط على المحشى بغطاء حلة مباشرة فوقة 

ونتركة حتى يستوى ويقدم بالهنا باى طريقة تحبوها ولذيذ جدا مع كفتة داوود باشا 

وممكن يقدم بالطريقة دى 

او بالشكل النهائى حسب الرغبة

** منوس ننوس **

(منى عبد المنعم)