طبعا هنا دى تورتة ايس كريم مشكلة بانواع ايس كريم فانيليا وفراولة وشيكولاتة طبعا احنا عملنا الايس كريم فى البيت وبطريقة سهلة جدا بدون ماكينة وبثلاث طرق مختلفة وهى بالترتيب :
التطبيق
فية 3 طرق لعمل تورتة الايس كريم
1- اننا نحط تشكيلة الايس كريم فى اى قالب نحبة بدون اى كيك نهائى وممكن نضع قطع من الكمبوت معاها.
2- ممكن نعمل طبقة رقيقة من الكيك الاسفنجى فى نفس القالب اللى هانشكل فية تورتة الايس كريم كقاعدة للتورتة دى وممكن كمان نقسمها الى نصفين تكون قاعدة تحت وطبقة فوق حسب الرغبة.
3-ممكن نخلى القاعدة اى كيك جاهز شرائح فقط على اى شكل نفضلة انا هنا عملتها كدة.
طريقة التحضير
لو احنا هانعمل الايس كريم مباشرة نضعة فى الفريزر حتى يبدأ فى التماسك لكن ما يتجمدش قوى علشان نقدر نفردة بالتساوى
ولو تلقائى كان جاهز عندنا نطلعة ونسيبة خمس دقايق يفك شوية صغيرين
هنا انا عملتى فى قالب قلب نبطن القالب بالنايلون ( كيلينج فيلم ) ونخلى النايلون طالع من الجوانب ثم نرص شرائح الكيكة او قاعدة كيك كاملة
وهنا انا حاولت افك الايس كريم شوية بالشكل دة
ممكن نعملها طباقات متبادلة فراولة فانياليا شيكولاتة او زى ما انا عملت احطهم بطريقة عشوائى الترتيب حسب الرغبة نحط الأبيض فى الشمال أو حتى فى النصف أو تحت كدة يعنى
ونقفل النايلون ونضغط عليها كويس علشان نكبسها تمام ونرجع نحطها فى الفريزر
ونتركها مش اقل من خمس ساعات او على حسب شدة الفريزر او حتى تمام التماسك
ونطلعها نفك النايلون ونحط طبق التقديم ونقلبها وبعدين نشيل النايلون وممكن تزين بوردات كريمة حسب الرغبة وبالهنا
**منوس ننوس**
(منى عبد المنعم )
تعليقات
إرسال تعليق