طريقة عمل حلا مكعبات الجيلى الباردة بالصور والخطوات من وصفات الشيف منى عبد المنعم

المقادير والمكونات

الخليط الخارجى

عبوة حليب مكثف محلى

كوب حليب عادى

باكو جيلى اناناس او اى نكهة او ممكن معلقتين جيلاتين بودرة

5 او 4 باكو جيلى نكهات اخرى فراولة واناناس الكمية حسب رغبتكم

الوان طعام

طريقة التحضير والإعداد

اولا هانحضر الجيلى نسكب البودرة فى اطباق فردية انا هنا عملت واحد فراولة والباقى اناناس دة اللى متوفر عندنا 

وهنا انا ضفت الوان للبودر لون اخضر فاتح وغامق وازرق حسب الرغبة وضفت على كل طبق نصف كوب ماء مغلى ندوب فية الجيلى الاول وبعدين نضيف نصف كوب اخر ماء بارد ونضعة فى الثلاجة الى ان يتماسك يعنى بالضبط كانك بتعملى جيلى بالطريقة المعتادة بس نخلية تقيل شوية 

وهنا بعد ما الجيلى تماسك نقطعة بعجلة البيتزا الى مكعبات صغيرة بالشكل دة 

الصنف دة ممكن نعملة فى قارب كبير او اى قالب تحبوة وممكن فى قوالب فردية انا عملتة فردى نقطع كل الالوان ونوزعها فى القوالب 

وهنا نحضر الطبقة الخارجية نسخن كوب الحليب وندوب فية باكو الجيلى اناناس انا استخدمت اناناس علشان يكون لونة فاتح بيبن الوان مكعبات الجيلى وممكن نستخدم جيلاتين على الحليب بدون جيلى نهائى بس انا حبيت يكون لة نكهة خاصة 

ودة شكل الحليب المكثف المحلى 

نسكبة على مكعبات الجيلى فى القوالب ونحركها ونضعة فى الثلاجة حتى يتماسك 

ودة شكلة 

وهنا بعد ما تماسك تماما 

نقلبة ونقدمة كصنف حلو بارد لذيذ جدا وبالف هنا دة شكلة من قريب

منتظرة ارائكم 

** منوس ننوس **

(منى عبد المنعم)