دة طبق جلاش بحشوة شاورما الفراخ سهل ولذيذ ان شاء اللة يعجبكم
طريقة الإعداد والتحضير
انا هنا بعمل طريقة للفراخ شبيهة بالشاورما ممكن تتعمل بطريقتين يا اما تسلقى الفرخة كويس وبعدين تنسريها وتكملى اضافة باقى المكونات
او زى ما انا عملت هنا جبت صدور دجاج مخلية نية وقطعتها شرائح رفيعة زى الشاورما وجبت طاسة وحطيت شوية زيت يعنى تقريبا معلقتين كبار وشوحت الفراخ فيها مع فلفل اسمر وبابريكا ورشة جوزة الطيب وملح الى ان تغير لونها
قطعت 2 بصلة كبيرة وحطيتها فى الخلاط مع قليل من الماء وعصير ليمونة كبيرة وضربتهم لكى نحصل على عصير بصل سميك نضيف خليط البصل مع الدجاج ويترك يستوى
ولما ينشف نكون مجهزين جزر مبشور ومكعبات فلفل اخضر ونضيفهم على الفراخ مع التشويح المستمر لمدة خمس دقائق كدة الحشوة جاهزة طعمها وريحتها تحفة
هنا دا باكيت الجلاش اهم حاجة يكون طرى وغير مكسر
نحضر صينية فرن مربعة او مستطيلة وندهنها بالزبدة او السمنة
نبدأ بوضع طبقات الجلاش ورقة ورقة مع دهان كل ورقة بالسمنة الى ان نصل ان نصف الكمية
نضيف كل الحشو بهذا الشكل
ونرجع تانى نكمل باقى الورق الى ان نصل الى النهاية نقوم بتقطيعها الى مربعات حسب الرغبة ودهان الوجة ايضاً
وبعدين نحضر فى وعاء الخلاط بيضة كاملة مع كوب حليب مع مكعب مرقة دجاج مع فلفل اسمر وملح ونضربة كويس ونصبة على الصينية فوق الجلاش بهذا الشكل
ونقوم بتحريك الصينية يمينا ويسارا علشان الحليب يتغلغل داخلها ويتشربة الجلاش ونضعها فى الفرن
ودة شكلها اول ما طلعت من الفرن
تقدم بالهنا إما فى أطباق جماعية كما بالصورة التالية
أو بشكل فردى وبالهنا
** منوس ننوس **
(منى عبد المنعم)
تعليقات
إرسال تعليق