طريقة عمل مشروب السوبيا بالصور والخطوات من مطبخ الشيف منى عبد المنعم

طبعا السوبيا ليها اكتر من طريقة بس انا عن نفسى جربت الطريقة دى وعجبتنى جدا

وعلى فكرة كمان حاليا موجود عند العطارين بودرة خاصة بالسوبيا

هنا لعمل زجاجة زى اللى فى الصورة

المقادير والمكونات

كوب حليب

كوب ماء او كوب ونصف

5 معالق كبيرة بودرة حليب مجفف

5 معالق كبيرة سكر او حسب رغبتك فى التحلية

معلقة صغيرة روح جوز الهند متوفر عند العطار ورخيص جدا فانيليا سائلة او بودر

وممكن نعمل اضافة ربع كوب ماء شوفان يعنى ننقع 2 معلقة شوفان فى نصف كوب ماء ونقلبة كويس ونسيبة لما الماء يتقل وياخد خلاصة الشوفان نصفية ونضيفة عليها لكن انا بصراحة عملتها بدون شوفان ودة شكلة

ودة شكل حبيبات الشوفان 

دى صورة مجمعة للمقادير 

طريقة التحضير والإعداد

اول حاجة نحط الحليب البودرة مع السكر والفانيليا لو بودر ونقلبهم خمس دقايق كدة بتكون زى الرمل 

ثم نضيف كوب الحليب ونقلب جيدا ثم روح جوز الهند 

ثم نضيف الماء المثلج ونقلب جيدا 

انا بعملها واحطها فى زجاجة واحطها فى الثلاجة لانها كل ما كانت مبردة بتكون اطعم وبصراحة طلعت زى الجاهز بالضبط طبعا لو حابين نزود ماء الشوفان فى المرحلة دى 

وتقدم مبردة بالهنا طبعا مميزة جدا فى رمضان

وكل عام والجميع بخير 

** منوس ننوس **

(منى عبد المنعم)