طريقة عمل رول الدجاج أو الفراخ المحشى بالصور والخطوات من مطبخ الشيف منى عبد المنعم

المكونات والمقادير

لعمل رول الدجاج نحتاج الى دجاجة مخلية مفرومة (او صدور فيلة مفرومة)

وجزر وفلفل مقطع جوليان (شرائح طولية رفيعة)

وشرائح رفيعة فيلة دجاج

جبن موزاريلا او شيدر حسب الرغبة وبصلة مبشورة

وفصين ثوم شرائح

عصير ليمونة

وملح وفلفل وبهارات

ومعلقة كبيرة بقسماط مطحون او شوفان او الاثنين معا

ممكن نغير فى الحشو حسب الرغبة 

طريقة الإعداد والتحضير

هنا نحضر القاعدة الاول نحتاج نفرم بصلة كبيرة مبشورة 

ثم نضيف الدجاج المفروم مع التوابل والبقسماط وعصير ليمونة 

ونخلط الى ان تتجانس جيدا 

ثم نقص كيس ثلاجة جديد ونفتحة على شكل مربع وندهنة زيت ونضع الخلطة علية ونفردها ونضبطها من الجوانب على قد الكيس مربع تماما بهذا الشكل 

ثم نوزع باقى المكونات مكونات الحشو دى اختيارى ممكن تشيلى اى نوع او تضيفى او تعدلى فى الحشو حسب الرغبة طبعا وطبعا نرش ملح وفلفل وبهارات حسب الرغبة فوق الحشو هنا طبعا انا حطيت جزر وفلفل وثوم وشرائح دجاج وجبنة 

ثم نلف الرول بمساعدة الكيس طبعا لان من غير مش هاتعرفى تمسكية وتلفى يعنى تمسكى طرف الكيس وتلفى شوية شوية وتضبطى الجوانب 

الى ان يصبح بهذا الشكل 

وقبل ما ننتهى نكون مجهزين نايلون التغليف الرول بتاع الاطعمة علشان مع اخر لفة تتحط على النايلون ونلفها فية كويس طبقتين كدة ونربطة من الجوانب 

ثم نلفة فى فويل كمان 

ونكون حاطين حلة او صينية تكفى الرول فيها ماء ويكون الماء بيغلى نضع فيها الرول ونتركة حوالى ساعة 

ودة شكلة بعد ما استوى 

نفك الفويل ونضعة فى الفرن شوية ثم نفك ايضا النايلون وندهنها زبدة او سمنة وبسرعة يا دوب لون اشقر فقط 

انا كمان عملتلها فحمة علشان طعم الشواء بس دى حسب الرغبة نبدأ نقطعها شايفين الالوان التحفة 

وهنا دة شكلها من قريب 

انا هنا قدمتها مع صوص رائع عبارة عن مايونيز ومستردة كميات حسب الرغبة نخلطهم مع بعض ثم نفرم بقدونس ونخلطها معها بتكون رائعة مع الدجاج وهنا دة الشكل النهائى منتظرة رأيكم يا حبيباتى

** منوس ننوس **

(منى عبد المنعم)