الرقاق وصل طبعا الرقاق ده من الاكلات الدسمة مشهور عندنا فى مصر و دة مختلف عن الطريقة العادية اللى يحب يجرب خصوصا فى الاعياد ودى طريقتى ان شاء الله هتعجبكم
طريقة الإعداد والتحضير
هنحتاج لعمل الرقاق إلى علبة رقاق عندنا فى مصر الانواع كتير اى نوع تحبى وهنحتاج مقدار من شوربة اللحمة وكمية من اللحم المفروم المعصج
ودة شكل الرقاق
هنا نحتاج الى مقدار من اللحم المفروم حوالى نصف كيلو او حسب الرغبة نضع اللحمة مع بصلة كبيرة مقطعة مكعبات مع 2معلقة كبيرة سمنة هاقولكم لية بعد كدة ونشوحها الى ان تصبح بهذا الشكل
هنا انا دوبت 3ملاعق معجون طماطم فى ماء وقلبتهم كويس علشان اسوى بيهم اللحمة المفرومة طبعا فى ناس كتير هاتستغرب الطماطم بس على ضمانتى جربوة كدة هتلاقوة احلى واطعم بكتير من العادى وكمان لونة جميل
نبدأ نضيف عليها عصير او معجون الطماطم ونقلبة كويس وطبعا ملح وفلفل اسمر ونتركها الى ان تستوى وتتسبك شوية
الى ان تصبح بهذا الشكل هنا بقة اقولكم انا لية حطيت سمنة فى الاول علشان لما توصل للمرحلة دى ناخد الصوص اللى فى اللحمة دة ممكن تحطوها فى مصفاة علشان تكون اسهل لكم فى الحصول على السمنة بالصوص دى
بيكون دة شكل الصوص انا هاخلية جنبى كل لما احط طبقة رقاق ادهنها بالصوص دة علشان تكون مورقة ولونها وردى حلو
ودة شكل اللحمة بعد ما صفيتها وخدت منها الصوص
هنا الشوربة نحطها فى صينية بحجم شريحة الرقاق لسهولة الاستخدام ولازم تكون الشوربة مغلية علشان الرقاق يطرى وطبعا نتبل الشوربة بملح وفلفل ومكعب ماجى
نحضر صينية فرن مستطيلة او مربعة وندهنها بالصوص بالشكل دة
ناخد واحدة واحدة من الرقاق ونبلها فى الشوربة كلها ونشيلها على طول نحطها فى الصينية
انا هنا حطيت قطعتين من الرقاق جنب بعض
وطبعا ندهنها برضة بالصوص بالشكل دة وهكذا الى ان نصل الى نصف كمية الرقاق
هنا نحط كمية العصاج كلها بالتساوى بالشكل دة
ونرجع تانى نعيد نفس الخطوات بالكمية المتبقية من الرقاق ونحاول ان نخلى اخر طبقة سليمة مش رقاق متكسر
ودة شكل الصينية بعد ما خلصنا كل الكمية برضة ندهن الوجة بالصوص بالشكل دة ونضعها فى الفرن
ها اى رايكم دة شكلها بعد خروجها من الفرن نقطعها مربعات مناسبة متساوية
ودة شكلها النهائى للتقديم بالهنا
** منوس ننوس **
(منى عبد المنعم)
تعليقات
إرسال تعليق