طريقة عمل رز بالخلطة باللحم والمكسرات بالصور والخطوات من وصفات الشيف منى عبد المنعم

طريقة الإعداد والتحضير

نقطع لحم مكعبات متوسطة ونغسلة كويس

هنا نسلق اللحمة وطبعا نضيف للحم منكهات زى ورق لورة وحبهان ومستكة وبصلة ومكعب ماجى

هنا دة شكل اللحمة بعد ما اتسلقت بس ما نزودش السواء بتاعها علشان لسة هانسويها تانى

هنا نبدا فى تحضير خلطة الرز هنحتاج الى بصلة كبيرة مقطعة مكعبات و 2 حبة طماطم مقطعة مكعبات وكم عود قرفة وفصوص حبهان واعواد قرنفل ومعلقة كبيرة بهارات لحم و 2 معلقة كبيرة زيت

نشوح كل المكونات دى مع بعضها الى ان تدبل شوية

ثم نضيف اللحم عليها ونشوحها شوية

وبعدين نضيف كمية من الشوربة وتترك تغلى حوالى ربع ساعة علشان نحصل على نكهة المكونات كلها

نطلع اللحمة ونصفى الشوربة بهذا الشكل

نحضر كمية الرز المصرى الكمية حسب الرغبة لو هانقول مثلا 2 كوب رز يبقى نحط علية 2 كوب شوربة ونرجع نضيف اللحمة تانى وطبعا نضيف ملح وفلفل واول ما يغلى ويصفى شوية نخفض النار خالص ونتركة يستوى على نار هادئة

ويقدم ويزين باللوز المقشر المحمر وممكن كاجو وزبيب حسب الرغبة وبالهنا

** منوس ننوس **

(منى عبد المنعم)