تشيز كيك بطريقة سهلة بالصور والخطوات بالتفصيل من كيكات الشيف منوس ننوس

طريقة العمل والتحضير

هنا هنحتاج الى كمية من البسكويت السادة اى نوع تحبوة نحطة فى الميكسر ونطحنة

الى ان يصبح بهذا الشكل زى حبات الرمل ولو الميكسر مش متوفر

ممكن نحط البسكويت فى كيس نايلون ونطرقة الى ان يصبح بهذا الشكل

نضيف الى البسكويت 2 معلقة كبيرة زبدة ونخلط مرة اخرى

الى ان يصبح مندى ومتماسك نوعا ما وبيلم معاكى

ولو حسيتى انه محتاج زبدة كمان ممكن تضيفى مفيش مشكلة يعنى

المقادير دى مرنة فى التعامل تزيد او تقل مفيش مشكلة

الكميات حسب الرغبة بس اهم حاجة ان البسكويت لو مسكتيه فى ايدك

وضغطتى عليه يتماسك علشان ما يتفتت بعد كدة

نحضر صينية من النوع اللى بيتفتح من الجانب

ونضع البسكويت فيها ونضغط علية كويس

الى ان يصبح بهذا الشكل ونضع الصينية فى الفرن حوالى

خمس دقائق فقط ونتركها تبرد على ما نجهز الحشوة

هنا نبدأ فى تحضير الخليط وهو عبارة عن نصف كيلو كريم شانتى

مخفوق ومضاف إليه سكر حسب الرغبة

وبعد ان انتهينا من خفق الكريمة نضيف لها باكو بودرة كريم كراميل

و6 حبات جبنة كيرى وعلبة قشطة بوك او نسلة وربع كوب جيلاتين سائل

عبارة عن 2 معلقة كبيرة جيلاتين بودرة مذوب فى ربع كوب ماء

كل المقادير على بعضعا ونخفق جيدا

الى ان نحصل على خليط كريمى بهذا الشكل

نضع الخليط على البسكويت ونساوية كويس

انا هنا حطيت على الوجة مربى فراولة طبقة رقيقة

ثم نضعها فى التلاجة حوالى 6 ساعات الى ان تتماسك

بعد ما تتماسك نفكها من الصينية وتقدم بالهنا

** منوس ننوس **

( منى عبد المنعم )