طريقة جديدة وسهلة لعمل شاورما لحمة فى المنزل جربوها ان شاء الله تعجبكم
طريقة العمل والتحضير
هنا انا جبت شرائح من الاستيك ودى بتكون من الفخدة الكمية حسب الرغبة
ويا دوب نتبلها فقط بالملح والفلفل الاسمر
نحضر طاسة تيفال ونبدا بتلسيع شرائح اللحم فى معلقة صغيرة زيت
وعلى نار عالية جدا علشان اللحمة تحتفظ بالسوائل اللى بداخلها
هنا شكل الشرائح بعد التلسيع
نبدا بتقطيعها شرائح رقيقة جدا على قد ما تقدرى
علشان ما تغبش فى السوا بالشكل دة
دى صينية فرن نحط فيها معلقة زيت وانا حطة كمان بشر ليه
حاجة بسيطة للى يحب لو مش بتحبوها شيلوها خالص
نضع اللحمة بعد ما قطعناها فى الصينية ونقلبها كويس بالزيت ونحطها فى الفرن
تحت الشواية بس بعيد عنها شوية يعنى فى الرف الوسط ونشغل الشواية من فوق
فقط بتاخد حوالى ساعة بالكتير وبين فترة والتانية نقلبها ونخلى بالنا منها
والشواية تكون النار خفيفة مش عالية علشان تستوى كويس
على ما تستوى نكون حضرنا سلطة عبارة عن طماطم وفلفل اخضر
وبصل وبقدونس مهمة جدا البقدونس بتعطيها طعم مميز
ودة شكلها بعد ما استوت
نقلب عليها السلطة ونضبط الملح بتاعنا وبالهنا
وتحشى بها الساندوتشات وتقدم مع شيبسى حسب الرغبة وبالهنا
** منوس ننوس **
(منى عبد المنعم)
تعليقات
إرسال تعليق