طريقة العمل والتحضير
طبعا احنا بنجيب حبوب القمح او الغلة المقشورة يعنى وننقعها فى الماء من الليل
للصبح مثلا وبعدين نصفيها من ماء النقع ونضعها فى حلة ونغطيها بكمية وفيرة
من الماء ونضعها تستوى على النار نسلقها يعنى لغاية ما تكون بالشكل دة
وبعدين ناخد الكمية اللى احنا عايزينها بعد ما سلقناها ونحاول ما يكونش فيها ماء
كتير نضيف كمية حليب توازى كمية القمح ونحلية بالسكر ونضيف حوالى 3ملاعق
كبيرة نشا زى ما بنعمل المهلبية بالضبط ونقلب كويس كل دة على البارد
وبعدين لو متوفر كريمة لبانى نضيف حوالى ربع كوب بتخلى طعمها غنى كتير
وحلو ونقلب كلة مع بعض كويس جدا وبعدين نضعة على النار مع التقليب المستمر
الى ان يغلظ قوامة بهذا الشكل ويعمل فقاعات زى ما انتم ملاحظين
على اطراف الاناء كدة نطفى النار
ودة بيكون شكلها ممكن فى الحالة دى نضيف مكسرات او زبيب حسب الرغبة
وتغرف فى اطباق التقديم وتجمل بالقرفة والبندق وبالهنا
ممكن تؤكل دافئة وممكن باردة حسب الرغبة
** منوس ننوس **
( منى عبد المنعم )
تعليقات
إرسال تعليق