طريقة عمل مقيلى أو الفول المتبل بالصور والخطوات من أكلات تسالى للشيف منوس ننوس

الطريقة دى للفول من الطرق القديمة بس مش كل الناس بتعرفها

وهوة عبارة عن فول متبل بيتقشر ويتاكل كنوع من التسالى

زى الترمس بالضبط بس بصراحة طعمة جميل

نبدأ بالطريقة

*****

المقادير والمكونات

نحتاج الى فول تدميس الكمية حسب الرغبة وليكن كيلو مثلا

انا عملت كيلو نجيب الفول وننقعة من الليل فى ماء 

وبعدين نصفية ونضعة فى مصفاة بهذا الشكل وتحت المصفاة طبق 

ونغطية بفوطة نظيفة او قماشة بيضاء نظيفة ونبل القماش بالماء ونغطى بية الفول

وكل فترة كدة حوالى 4 مرات فى اليوم نشيل الفوطة نبلها بالماء ونعصرها ونرش

رشة ماء على الفول وهكذا علشان احنا عايزينة ينبت 

لمدة يومين بنفس النظام لغاية ما يبدا ينبت بالشكل دة 

اقرا ايضادجاج بالبشاميل بالصور والخطوات

اقرا ايضاشاورما الدجاج البيتى بخبز التورتيلا

اقرا ايضاطريقة عمل ثومية المطاعم بالصور فى البيت

اقرا ايضاتحضير كرات البطاطس باللحمة المفرومة للأطفال بالصور والخطوات

شايفين الجزء الابيض دة دة الشكل الى احنا عايزينة ودة لازم علشان الفولة تستوى 

نحط الفول فى صينة فرن بالشكل دة ونشوية فى الفرن لغاية

ما لون القشرة يتغير علشان كدة بيسموة مقيلى 

ودة شكلة بعد ما استوى بياخد حوالى من ساعة الى ساعة ونصف 

وبعد كدة نعمل تتبيلة عبارة عن كمية مناسبة من الماء تغطى الفول 

مع ملح وكمون وشطة وعصرة ليمون 

وهنا انا حطيتة فى علبة بالغطاء وصبيت علية الماء المتبل بهذا الشكل

ونتركة حوالى 3 ايام فى الماء ونبدا ناكل منة بيكون طرى خالص

وطعمة حلو قوى جدا طبعا واحنا بناكلة بنقشرة زى الترمس كدة 

ويقدم بالهنا

** منوس ننوس **

( منى عبد المنعم )