المكونات والمقادير
هنحتاج لعمل المقلوبة شرائح او قطع من اللحم المسلوق وحمص مسلوق
وشرائح باذنجان مقلى ورز مصرى مغسول ومنقوع وتوابل
(عبارة عن بهارات لحم مشكلة مع رشة جوزة الطيب مع فلفل اسمر وملح)
المقادير دى مفتوحة حسب الرغبة ملهاش عيار ثابت
طريقة العمل والتحضير
اولا نسلق اللحمة انا هنا قطعت مع اللحم كمية من البصل وشوحتها
مع معلقة سمنة وفلفل اسمر وبعدين غطيتها بكمية من الماء ونتركها تتسلق تماما
مع معلقة سمنة وفلفل اسمر وبعدين غطيتها بكمية من الماء ونتركها تتسلق تماما
هنا انا حمرت باذنجان اسود رومى شرائح طبعا بيتحمر فى الزيت
وسلقت كمية من حمص الشام
وطبعا الرز مغسول ومنقوع قبلها بنصف ساعة
نجيب حلة مناسبة ونضع شرائح طماطم فى اسفل الحلة
مع رشة من التوابل المذكورة سابقا
ثم نضع كمية الحمص كلها ونضغط باليد وبرضة رشة توابل
ثم نرص شرائح الباذنجان بهذا الشكل مع رشة توابل
طبعا نصفى الرز تماما من الماء ناخد منة فقط حبة صغيرين جدا
نفرشهم على الباذنجان علشان اللحم يلتصق فية
ثم نضع كمية اللحم بعد ما استوت ونضغط شوية
ثم كمية الرز المتبقية كلها مع رشة التوابل كما سبق
هنا نضع عيار الرز شوربة من سلق اللحمة او ماء مع ماجى حسب الرغبة
ونتركة على النار اول ما يغلى نخفض النار ونتركة يستوى على الهادى خالص
ودة الشكا النهائى لازم قبل ما نقلبها نتركها تبرد حوالى ربع ساعة
علشان شكلها يكون مرتب وطبعا انا ما حطتش اى دهون فى الحلة
او مع الرز لان اللحمة فيها سمنة وكمان الباذنجان مقلى وبالهنا
ودة شكلها من جوة حبيت تشوفو الطبقات
** منوس ننوس **
( منى عبد المنعم )
تعليقات
إرسال تعليق