طريقة العمل
هنا نحتاج الى صدور دجاج فيلية ونقطعها الى شرائح طولية بهذا الشكل
نعمل تتبيلة عبارة عن ربع كوب ماء وعلية بصلة مقطعة وفصين ثوم
وليمون وورقة لورة وفصين حبهان ونضربهم فى الخلاط ونصفيهم
ونضعهم فى طبق عميق مع كوب لبن رايب ودة اساسى
لانة بيطرى النسيج جدا والفراخ بتستوى كويس جدا
ونضع تشكيلة بهارات عبارة عن بابريكا بصل بودرة وثوم بودرة وملح وفلفل
وكركم ورشة جوزة الطيب ونقلبهم كويس وننقع فيهم الدجاج يوم كامل فى الثلاجة
وهنا نحضر دقيق حوالى كوب ونصف مع ربع كوب بقسماط ونضع علية
نفس البهارات السابقة بالاضافة الى معلقة صغيرة باكينج بودر ونقلبة كويس
ونحطة فى كيس لسهولة الاستخدام وناخد من الدقيق المبهر دة حوالى ربع كوب
او كام معلقة كدة وندوبهم فى ماء بس مش كتير الى ان نحصل عى صوص تقيل
يشبة البشاميل بهذا الشكل بدون بيض نهائى لونة الاصفر دة من الكركم
ناخذ قطعة من الدجاج ونضعها فى الصوص
ثم الدقيق وما نضغطتش عليها نهز الكيس بس
ونشيلها برفق على الزيت مباشرة اللى نعملها نحطها على طول
بهذا الشكل
وفى الاول تكون النار مرتفعة حتى تتماسك الطبقة
ثم نخفض النار شوية وهى بتستوى بسرعة جدا وتقدم بالهنا
يارب تعجبكم
منوس ننوس
منى عبد المنعم
تعليقات
إرسال تعليق