.jpg)
انا عملتها بعجينة العشر دقائق بس عملت اضافة تغير كدة من عندى وطلعت واوووو
بجد طبعا انا سبق وشرحت عجينة العشر دقائق اكتر من مرة هتلاقوها هنا بالتفصيل
التغير بقى ايه هو اننا بدل ما نستعمل 2 كوب ماء هانخليهم كوب حليب دافئ
وثلاثة ارباع ماء دافئ بس كدة ونكمل كل الطريقة عادى خالص
نحضر السوسيس عن طريق تشويحة وهو اصابع زى ما هوة فى معلقتين زيت كدة
ونتركة يبرد وناخد قطعة من العجينة ونفردها الى مستطيل كبير وسمكة رفيع
ونقسم المستطيل دة الى مستطيلات اصغر بطول اصبع السوسيس ونعمل من
احد الاطراف تشريح بسكينة البيتزا خطوط متوازية
وما نخليهاش توصل للطرف بهذا الشكل
ونضع السوسيس على الطرف الاخر ونلفة الى ان
نحصل على اصبع مشرح بهذا الشكل
ندهن صينية الفرن بقليل من الزيت ونرص فيها الاصابع
ونتركها خمس دقائق تختمر معلش الاضاءة غيرت اللون
وندهنها بخليط عبارة عن معلقة كاتشب ومعلقتين حليب
نخلطهم على بعض زى الصوص وندهنهم بية ونرشهم بالسمسم
ندخلها الفرن على درجة حرارة عالية بتاخد حوالى عشر دقائق وتقدم بالهنا
رائعة جدا الفكرة فى شكل اللفة شكل جديد للساليزونات
منوس ننوس
منى عبد المنعم
.jpg&description=){kind=link}
تعليقات
إرسال تعليق