عمل بطاطس فريسكس بالصور بطريقة مبتكرة لمنوس

المقادير والمكونات

كمية من البطاطس حسب الرغبة

معلقة صغيرة من كل من (كركم -بابريكا -ملح-فلفل اسمر-بصل بودرة -ثوم بودرة )

4معالق كبيرة دقيق

المقادير دى تقريبية ممكن تزيد او تقل حسب الكميات

طريقة العمل

نقشر كمية البطاطس وتقطع اصابع متوسطة السمك انا هنا قطعتها بالقطاعة اليدوى دى تاخد شكل متعرج حلو بس طبعا ممكن تقطيع عادى خالص

دة شكلها

هنا نحضر البهارات فى طبق

نخلطها بالدقيق

وطبعا احنا غسلنا البطاطس فهى كدة عليها مية شوية نسكب طبق الدقيق بالبهارات عليها بالشكل دة

ونهز الطبق كويس بدون وضع اليد من فوق لتحت كدة حتى تتغلف كل واحدة بالخليط بالشكل دة بس الخطوة دى نعملها قبل القلى مباشرة علشان ما يلتصقوش فى بعض

بالشكل دة وعلى الزيت مباشرة

نعلى النار حتى تتماسك الطبقة الخارجية ثم نخلى النار وسط علشان تستوى يعنى تحمير بطاطس عادى الى ان تاخذ اللون الذهبى الحلو توضع على ورق مطبخ لامتصاص الزيت وتقدم

مع كاتشب حسب الرغبة لذيذة وخفيفة ومبهرة
بالهنــا
منوس ننوس
منى عبد المنعم