طريقة عمل تورتة بابا نويل (سانتا كلوز) بالصور من الشيف منوس

دى تورتة عادية بس الاختلاف فى طريقة التزيين فقط تابعوا معى الخطوات بالتفصيل

طبعا ممكن نعتمد مقادير الكيك الاسفنجى او مقادير التشوكيلت كيك حسب الرغبة

انا هنا عملت الكيكة شوكيلت

المقادير

3كوب دقيق

كوب ونصف حليب

3 بيضات

ليمونة معصورة +فانيليا

كوب ونصف سكر عادى

ثلاثة ارباع كوب زيت

ثلاثة ارياع كوب بودرة كاكاو سادة

معلقة كبيرة باكينج بودر

معلقة صغيرة باكينج صودا

طريقة العمل

نضع المقادير السائلة فى وعاء والمقادير الجافة فى وعاء اخر

نخلط المواد السائلة

ثم نضيف عليها المواد الجافة

ونخلط بالويسك (مضرب يدوى) الى ان نحصل على خليط كيك رائع

انا هنا بقة تلاشيا للتقطيع والدوشة قسمت الكمية على 3 صوانى بيتزا بالشكل دة علشانن احصل على 3 طبقات للتورتة اولا مش بتغلب فى التقطيع وثانيا مش بتاخد وقت فى الفرن 7 دقايق بس
نحتاج نبطن الصوانى بورق الزبدة

نصب الخليط

ودة شكلها بعد ما استوت

هنا نتركها تبرد طبعا ونبدا بوضع طبقة كريمة انا عملتها فانيليا

وهكذا بين كل طبقة

بهذا الشكل ونغطيها كلها من برة كمان بطبقة وفيرة من الكريمة

هنا بقة نيجى لفكرة التزين وهى عبارة عن انك تختارى الرسمة اللى تحبيها من النت وتشفيها بورق الزبدة بالشكل دة

وهنا نسيح شيكولاتة خام ونحطها فى كورنية من ورق الزبدة ولو الشيكولاتة ثقيلة ممكن تخففيها بنقطة زيت

نجيب ورقة زبدة تانية ونحطها فوق التانية بالشكل دة

طبعا الشكل واضح اهوة نقص كورنية الشيكولاتة حتة صغيرة من تحت زى القلم ونبدا نمشى على الرسمة بالشكل دة

ونتركها تجف وتنشف خالص ناخد الورق ونقلبها على التورتة بحذر شديد علشان ما تتكسرش

ونبدا نلون اجزاء من الكريمة ونعمل كورنيهات من ورق الزبدة ونضع فيها الكريمة الملونة حسب الشكل ونبدا بملا الفراغات بالتنقيط يا دوب ضغطة خفيفة وهكذا الى ان ننتهى من الشكل ونزين الاطراف كمان حسب الرغبة

ودة شكل التورتة بعد التزين

وتقدم بالهنا اى رايكم فيها منتظرة تعليقاتكم
منوس ننوس
منى عبد المنعم