طريقة عمل كسكسى بالخضار وصفة سهلة وسريعة بالصور للشيف منى عبد المنعم

صنف من الاطباق الرئيسية فى بلاد المغرب العربى بس انا هنا عملتة على طريقتى الخاصة

نحتاج الى

مقدار من الكسكسى وانا بحب اعملة فى البيت والطريقة بالتفصيل موجودةعلى اللينك ده

(طريقة عمل الكسكسي بالتفصيل مصورة)

ودى شكل حلة الكسكسى هنستعملها لاننا هانضع الخضار تحت والكسكسى فوق

هنا اى خضار موجود عندك انا عملت كوسة وجزر وبطاطس وحمص الشام مسلوق طبعا مسبقا ونحتاج الى عصير طماطم وبصلة مضروبين فى الخلاط مع بعض

نشوح الخضار فى معلقة زيت او زبدة اوسمنة حسب الرغبة مع رشة فلفل وبابريكا وملح

ثم نضع عليها عصير الطماطم مع مكعب مرقة ونتركة يستوى وممكن فى المرحلة دى نضع قطع من اللحم المسلوق حسب الرغبة ونضع الكسكسى فى الحلة اللى فوق علشان البخار يطلع علية

بالشكل دة

وهنا كل فترة ناخد من المرق الاحمر بتاع الخضار ونسقى بية الكسكسى

الى ان يصبح بهذا الشكل

وهنا نترك الخضار الى ان يستوى ويتسبك بالشكل دة

يقدم الكسكسى مع الخضار وبالف هنا
منوس ننوس
منى عبد المنعم