هنا انا هعمل لكم طريقة حلوة جدا عبارة عن طبقة جلاش وطبقة كريمة وطبقة كنافة بس الصراحة رائعة جدا
المقادير والمكونات
- نحتاج الى نصف باكيت جلاش
- نصف كيلو كنافة
- كريم باتيسير (طريقتة 1 كوب ونصف حليب على النار يغلى وفى الخلاط نضع نصف كوب حليب اخر علية 3 معالق كبيرة سكر و4 معالق كبيرة دقيق وبيضة وفانيليا يضربوا فى الخلاط وعند غليان الحليب اللى على النار ننزل بالخليط دة مع التقليب المستمر)
- شربات (شيرة) الطريقة من هنا
- معلقتين كبار سكر بودرة
- ونصف كوب سمن مذاب
طريقة العمل
نفرك الكنافة بالسكر البودرة وبنصف كمية السمنة ونفردها فى صينية مربعة او مستطيلة ونضغط عليها كويس
ثم نضع الكريم باتيسير ونفردة كويس مع مراعاة عدم ملامسة الكريم لاطراف الصينية
ثم نفرد اوراق الجلاش مع دهان كل ورقة بالسمنة الى ان ننتهى من الكمية
نقطع الجلاش قبل دخولة الفرن الى سمبوكسات
وندخلها فرن حار جدا الى ان تاخذ اللون الذهبى
نسقيها بالشربات او الشيرة مباشرة ونعيد على اماكن التقطيع تانى وتقدم
لذيذة جدا وسهلة وطعم جديد
يارب تنال اعجابكم وبالهنا
منوس ننوس
منى عبد المنعم
تعليقات
إرسال تعليق