خطوات عمل فطيرة معجنات سلة السوسيس بالصور وطريقة سهلة مطبخ منوس

المقادير الخاصة بالعجينة هى عجينة العشر دقائق اغلب  المعجنات بستعمل فيها النوع دة من العجائن لانها ناجحة جدا ومميزة وسبق وشرحتها بالخطوات من هنا

(طريقة عمل عجينة العشر دقائق الناجحة)
 

طريقة العمل

الفكرة فى الفطيرة دى طريقة تشكيلها فقط فكرة السلة او السبت هنا العجينة قبل ما تخمر

 

وهنا بعد ما خمرت

نحتاج ايضا الى سوسيس او فرانكفورت وهنا انا قطعتة بالطول الى نصفين

 

وحمرتة فى معلقة زيت فى طاسة تيفال

 

هنا نفرد العجينة الى مربع على حجم الصينية وبعد ما نضعها فى الصينية نعمل فيها فتحات متوازية بعجلة البيتزا

 

نبدا ناخذ السوسيس وندككة فى العجين مرة لفوق ومرة لتحت

 

يعنى لو بدأنا اول سطر من فوق يبقى تانى سطر من تحت الصورة بتوضح المقصد الى ان ننتهى من تشكيلها

 

ندهنها حليب مع كاتشب او بيض بس  انا لا افضل البيض لكن طبعا حسب الرغبة وترش بالسمسم وتترك خمس دقائق ترتفع شوية وندخلها الفرن يكون حار بتاخد حوالى ربع ساعة وعلشان نعرف نطلعها من الصينة طبعا بنكون دهنا الصينية من قبل بالزيت نقلبها بالشكل دة دة شكلها من تحت

 

ونرجع نقلبها تانى على طبق التقديم وتقطع وتقدم باالهنا
منوس ننوس
منى عبد المنعم