فطيرة دوار الشمس بالجبنة طريقة سهلة بالصور من منوس ننوس

هنا بقدم لكم فطيرة على شكل زهرة دوار الشمس بحشو الجبن

الفكرة فى طريقة اللف لكن العجينة المعتمدة هى عجينة  طريقة العشر دقائق

لانها بجد ناجحة جدا بكل المقاييس وتنفع فى اى طريقة واى تشكيل
لكن هنا طبعا هانستخدم كرتين فقط من العجينة

 هنا هتلاقوا العجينة بالتفصيل (طريقة عجينة العشر دقائق مصورة)

طريقة العمل

هنا نفرد العجينة الى شكل دائرة  وتوضع فى صينية البيتزا

 

وهنا انا خلطت جبن دوبل او اى نوع تفضلونة مع بقدونس مفروم بهذا الشكل

نضع من الخليط على الاطراف ونخليها مرتفعة وايضا فى الوسط

لكن انا الدائرة اللى فى الوسط وضعت الخليط فى طبق عميق صغير

وكبستها يعنى ضغطت عليها وقلبتها على العجينة علشان تكون متقنة

وهنا هانفرد الكرة الثانية من العجينة

وتوضع فوق العجينة

وبنفس الطبق الصغير نحدد الوسط ونغلقها من الاطراف
ونبدأ بقصها بسكينة البيتزا الى مثلثات من الطرف الى الداخل

ونبدأ نمسك طرف طرف ونقلبة على الجنب بالشكل دة للحصول على شكل الزهرة

وندهن الوجة ممكن بالحليب والبيض او الكاتشب والحليب وترش بالسمسم

تخبز فى درجة حرارة مرتفعة حوالى ربع ساعة بالكتير وتقدم بالهنا
منوس ننوس
منى عبد المنعم