سمك بلطى صيادية بالتفصيل والخطوات المصورة مطبخ منوس ننوس

طريقة العمل
هنا انا طبعا جبت السمك البلطى ونظفتة كويس وتبلتة بخلطة الثوم والكمون والملح

والليمون والشطة وبعدين احطة فى الدقيق واقلية عادى



دة شكل السمك البلطى بعد القلى



على فكرة ممكن تتعمل برضة بالسمك الفلية بتكون تحفة
هنا نحضر صلصلة الصيادية عبارة عن 2 بصلة مقطعة شرائح رقيقة

وكمية من عصير الطماطم مع معلقتين معجون طماطم وكزبرة ناشفة

نجيب الصينية اللى هانعمل فيها نحط فيها زيت حوالى 3ملاعق كبيرة

ونشوح البصل فيها مع الكزبرة الناشفة الى ان يصفر لونة ننزل بعصير الطماطم

على البصل المشوح ويترك يتسبك



ودة شكلها بعد التسبيك



هنا قبل ما نحط السمك نقطع فصين ثوم على الصلصة وبعدين نرص السمك

ونزود ماء يغطى السمك ونتركة يغلى على النار ويتسبك تانى



ودة شكلها بعد التسبيك ندخلها الفرن تحت الشواية نحمر الوجة



ودة شكلها بعد خروجها من الفرن



وتقدم بالهنا مع ارز ابيض مصرى وبالهنا هى تقيلة شوية بس طعمها خطير
منوس ننوس
(منى عبد المنعم)