كروكيت البطاطس باللحمة المفرومة بالصور مطبخ منوس

المقادير هنا بدون معيار يعنى الكميات حسب الرغبة

نحتاج الى بطاطس مسلوقة فى ماء بملح فقط، ولحمة مفرومة معصجة بالبصل ومعلقة سمنة وملح وفلفل اسمر ولما تستوى نضيف لها بقدونس مفروم

ونحتاج بيض مع حليب وبقسماط مطحون وملح وفلفل

هنا البطاطس قشرتها وقطعتها وسلقتها فى ماء بملح سلقتها كويس وبعدين صفيتها

وهنا اللحم المفروم المعصج بالبقدونس المفروم

طريقة العمل
نضع 4 معالق بقسماط على البطاطس مع تضبيط الملح واضافة فلفل اسمر

ونخلط كويس جدا وناخد مقدار كرة من خلطة البطاطس ونضع فيها معلقة لحم مفروم

ونغلقها ونشكلها على شكل اصابع بهذا الشكل

ونضعها فى الفريزر شوية تتماسك حوالى نصف ساعة وهنا نحتاج الى بقسماط مطحون ونبهرة بتوابل وطبق اخر فية بيض مع حليب وفلفل اسمر وعصرة ليمون

نضع الكرويت فى البيض ثم البقسماط

ومباشرة تقلى فى زيت حار جدا وعلى نار عالية يا دوب تأخذ لون ذهبى نطلعها على طول مش بتاخد وقت نهائى

وهنا شكلها من قريب

وتقدم بالهنا مع ثومية مثلا وهى تعتبر كنوع من المقبلات وممكن تقدم مع مكرونة حسب الرغبة بالهنا
منوس ننوس
منى عبد المنعم