.jpg)
طبق خفيف وسهل جدا مناسب للغذاء او عشاء حسب الرغبة
عبارة عن باستا بمكونات البيتزا والخضار
المقادير
نحتاج الى جبن موزاريلا مبشور
ومكرونة اقلام او اسباجتى مسلوقة حوالى كيس
زيتون شرائح اخضر واسمر
فلفل مكعبات
مشروم
كاتشب
وسنحتاج الى صوص احمر وهو عبارة عن
(طماطم وبصلة وفصين ثوم وفلفل اخضر واحدة كلة مع بعض فى الخلاط ويوضع فى معلقة زيت ويترك على النار يتسبك)
وكذلك سنحتاج الى صوص ابيض عبارة عن
(نصف كوب كريمة لبانى او حليب عادى ومعلقة كبيرة جبن كاسات وشريحتين جبن رومى وشيدر ويقلبوا جميعا على النار الى ان يغلى وتسيح الجبن)
هنا شكل الصوص الاحمر من قريب
وهنا الوايت صوص او تشيزى صوص
وهنا الخضار والمشروم انا شوحتة بملح وفلفل اسمر بمعلقة سمنة
نحضر قالب فرن انا عملتة فى قالب التوست عملت 2 قالب
ندهن القالب بسيط جدا زيت او زبدة حسب الرغبة ونضع المكرونة المسلوقة ثم التشيزى صوص
ثم الصوص الاحمر
ثم الزيتون والمشروم والفلفل
ثم نرش الجبن بكمية كبيرة ونرش كاتشب
توضع فى الفرن لمدة ربع ساعة بالكتير يا دوب تختلط المكونات مع بعضها وتسيح الجبنة وهنا شكلها اول ما طلعت من الفرن
وهنا بعد ما قطعتها وتقدم ساخنة علشان تكون الجبنة سايحة وطرية
وبالهنا
منوس ننوس
منى عبد المنعم
.jpg&description=){kind=link}
تعليقات
إرسال تعليق