المكونات
نحتاج الى حمام متنظف ومغسول جيدا
نصف كوب رز ابيض مصرى منقوع
نصف كيلو لحم مفروم او اقل حسب الرغبة وممكن استبدالها بالكبد والقوانص
مكعبات طماطم
بصل مبشور
بقدونس مفروم
ملح وفلفل
طريقة العمل
نحضر خلطة الحشو المكونة من اللحم المفروم والطماطم والبقدونس والبصل
نشوح اللحم مع البصل ومعلقة سمنة وملح وفلفل الى ان تنشف ميتها
ثم نضيف الطماطم والبقدونس
ونطفى النار ونصفى الرز المنقوع ويوضع على الخلطة السابقة مع تضبيط الملح والفلفل
انا بخلى اللحم اكتر من الرز لكن لكم حرية التصرف نحضر الحمام
نبدا بحشو الحمام من الداخل
ونكتف الرجل ونحشى كمان من تحت الجلد من الرقبة والبطن بس ما نكبسهاش قوى
الى ان تصبح بهذا الشكل
ممكن نقفل الفتحات بالاعواد الخشبية لكن انا بفضل اخيطها بالخيط وفى الاخر هاشيل الخيط ودة شكل الحمام قبل وبعد الحشو
ولما نخلص نغسلها تحت الماء سريعا علشان تكون نظيفة بالشكل دة
نغلى ماء ونضيف اليها بصلة وورق لورة وحبهان وفص مستكة ولما يغلى نضيف الحمام المحشى علشان نسلقة
ونخلى بالنا ما نزودش السواء قوى علشان ما يفتحش ودة شكلة بعد السوا
يحمر فى السمن ويقدم بالهنا
منوس ننوس
منى عبد المنعم
تعليقات
إرسال تعليق