طريقة عمل تورتة شوكليت بالمالتيزر (عيد الميلاد) بالصور والتفصيل والخطوات للشيف منوس ننوس

اقرا ايضاعمل سجق بلدى شرقى بالصور والخطوات

اقرا ايضاتحضير الكريب بالموز والنوتيلا طعم رائع بالصور والخطوات

اقرا ايضاطريقة عمل حليب مكثف محلى ومنزلى بالصور والخطوات

اقرا ايضاطريقة عمل بط مشوي فى الفرن بطعم جديد بالصور والخطوات

التورتة المرة دى انا عملتها بنفس مقادير شوكليت كيك كنتاكى بس انا هنا عملت مقدارين علشان يكون ارتفاعها كبير عملتها على 3 صوانى بيتزا بحيث ازين مباشرة بدون تقسيم تابعونى

المقادير

كوب حليب

2 بيضة + فانليا وعصرة ليمون

نصف كوب زيت

كوب سكر عادى ناعم الحبيبات وليس مطحون

2 كوب دقيق

نصف كوب كاكاو خام بدون سكر

معلقة كبيرة باكينج بودر

معقة صغيرة باكينج صودا (كربوناتو)

طريقة العمل

نخلط المقادير السائلة فى وعاء والمقادير الجافة فى وعاء اخر ثم نخلطهم ببعض ليصبح الخليط كما هو بالصورة

مع مراعاة اننى هنا عملت مقدارين على 3 صوانى بيتزا

هنا دة شكل الصوانى انا بحب ابطنها بورق الزبدة اسهل وانظف بكتير

ودة شكل الخليط وهو فى الفرن بس معلش الاضاءة خافتة

ندخلها الفرن بتاخد عشر دقايق ربع ساعة بالكتير ودى ميزة تقسيم العجين على صوانى بحافة قصيرة

نتركها تبرد خالص وممكن تتعمل قبل بيوم

ونكون مجهزين كريم شانتى علية كاكاو علشان التورتة كلها شوكليت نبدأ بوضع اول طبقة ثم كريم شانتى

ملحوظة

يفضل وضع قطع من ورق الزبدة على الاطراف تحت التورتة حفاظا على النظافة واحنا بنشتغل

وهكذا الى ان ننتهى من ال3 طبقات بهذا الشكل

ونغلفها كويس من برة بالكريمة ثم نسحب ورقة الزبدة من تحتها ونضعها فى الثلاجة تبرد وهنا دة شكلها

هنا هاعمل صوص شيكولاتة للتغطية من فوق عبارة عن شيكولاتة خام نسيحها على حمام مائى او فى الميكرويف ثم نضع عليها حليب مكثف محلى بما يعادل معلقتين ومعلقتين حليب عادى علشان نضبط سمك الصوص وهنا المكونات مرنة يعنى لو زادت حاجة او قلت مش هيحصل حاجة بإيدينا نضبط

نصب الصوص على التورتة من فوق نصبة فى المنتصف وهو بيبدأ ينزل على الجوانب انا عاوزاه يظهر بشكل عشوائى بالشكل دة

ملاحظين شكلها من الجوانب

هنا دة شكل حلوى المالتيزر

انا هنا قسمت جزء  الى انصاف وجزء تركتة صحيح وابدأ بوضع المالتيزر على الجوانب بشكل عشوائى مرة مقلوب يعنى يكون البسكويت باين ومرة معدول تكون الشيكولاتة ظاهرة بهذا الشكل وعملت وردات بباقى الكريمة فى المنتصف

وهنا لقطة من فوق لتوضيح الشكل وكمان كسرت منة فوق الكريمة

يارب تكون الفكرة وضحت وتقدم بالهنا ودة شكلها النهائى

ودى كانت تورتة سريعة لعيد ميلادى اى رايكم فيها فى انتظار تعليقاتكم

بالهنــــا

منوس ننوس

منى عبد المنعم