طريقة عمل بسكويت خروف شنوذاشيب للعيد بالصور والخطوات والتفصيل لمنوس ننوس

كل عام وانتم بخير بمناسبة قرب حلول عيد الاضحى المبارك اعادة الله علينا وعليكم بالير واليمن والبركات

انهاردة هاعملك بسكويت خروف العيد

وانا اخترت شكل خروف شنوذا شيب وهو شخصية كرتونية محببة للاطفال

المقادير

كوب زبدة

نصف كوب سكر بودرة ناعم

1 بيضة + فانيليا

2 كوب دقيق

ربع معلقة صغيرة باكينج بودر

طريقة العمل

نخفق السكر مع الزبدة

ثم نضيف البيضة والفانيليا ونخلط

ثم الدقيق والبودر ونخلط

الى ان نحصل على عجينة بسكويت فاخرة

توضع العجينة بين ورقتين زبدة وذلك لتسهيل التشكيل والفرد

تفرد بالنشابة وتقطع بالقطاعة على شكل دائرة مشرشرة

ترص على صاج فرن علية ورق زبدة والزيادة من العجين نلمها ونفردها تانى وهكذا

توضع فى فرن حار حوالى عشر دقائق الى ربع ساعة حسب نوع فرنك
ودة كلها بعد النضج

علشان نعمل شكل الخروف هنحتاج الى كمية من الشيكولاتة البيضاء والبنى

اسيحها فى المايكرويف وتوضع فى كورنية من ورق الزبدة او فى كيس حلوانى بلاستيك استعمال مرة واحدة

نقص طرف الكيس يا دوب فتحة صغيرة ونبدا على ورق زبدة نرسم وش الخروف اولا نعمل دائرة بيضاوية صغيرة مع الاذن باللون البنى ثم الفروة بتاعه الرأس بالابيض والعينين ابيض فى بنى

بالشكل دة تابعوا الصور

وبعود خشبى اول ما تجمد نعمل فتحتين تحت للانف ونتركها لتتماسك او نضعها فى الثلاجة

نبدأ ناخد البسكويتة وهى على الصينة زى ما هى بعد ما تبرد طبعا نرسم بالابيض الفروة وهى عبارة عن دوائر من الشيكولاتة صغيرة بجانب بعضها نملا بيها البسكويتة وبعدين مباشرة نأخد رأس من اللى عملاناهم ونضعها فوق البسكوتة علشان تلزق فى الشيكولاتة

وهكذا الى ان ننتهى من الكمية توضع فى الثلاجة دقائق لكى تتماسك وتقدم اترككم مع الصور من جوانب مختلفة وما تبقى عملت بية اشكال تانية

وكدة

وهنا برضوا

ويقدم بالهنا

مع تحياتى

منوس ننوس

منى عبد المنعم