طريقة عمل كب كيك خروف شون ذا شيب للعيد بالصور والتفصيل لمنوس ننوس

المقادير

2 بيضة + فانليا وعصرة ليمون

كوب حليب

نصف كوب زيت

كوب سكر

2 كوب دقيق

نصف كوب كاكاو خام

معلقة صغيرة باكينج بودر

معلقة صغيرة باكينج صودا (كربوناتو)

طريقة العمل

نخلط المواد السائلة مع بعضها ثم السكر بمضرب سلك يدوى ثم باقى المقادير الجافة نحصل على خليط كيك بالشكل دة

انا هنا عملت نصف المقدار بس وجزء منة حطيتة فى صينة بيتزا صغيرة جدا علشان هاعمل منها راس الخروف

والباقى عملت بية 9 كب كيك

وطبعا نبطن القوالب بورق الكب كيك وندخلها الفرن حوالى ربع ساعة ودة شكلها بعد ما استوت وانا شيلت الورق

هنا علشان اعمل راس الخروف هاقطع بالقطاعة شكل بيضاوى مش مدور لو متوفر لو مش متوفر يبقى مدور عادى انا هنا عندى قطاعة على شكل مشروم استعملها بس بالجزء البيضاوى بس

وقطعت الرؤس بالشكل دة من الكيكة الصغيرة سواء مدور او بيضاوى

وهنا بعد ما كملت التقطيع

نجهز كريم شانتى ابيض وشيكولاتة سايحة علشان نعمل الاذن

نرص الكب كيك فى طبق التقديم

ونبدا بعمل دوائر من الكريمة

ثم نضع الراس ونعمل عليها من فوق شعر ابيض بالكريمة والعين برضوا نقطة بالكريمة وعليها نقطة شيكولاتة والاذن بالشيكولاتة مباشرة على الكب كيك

ويقدم بالهنا بيحبوة الاطفال كتير 

مع تحياتى 

منوس ننوس

منى عبد المنعم