طريقة عمل تورتة سويسرول بفكرة جديدة بالتفصيل والصور مطبخ منوس ننوس

دى تورتة بمناسبة مرور 14 سنة على زواجى والحمد لله احلى 14 سنة فى حياتى  ♥

قلت اعملها بفكرة جديدة وهى شكل الكيك من الداخل زى السويسرول بالضبط

الطريقة

اولا نعمل قاعدة للتورتة عبارة عن ديسك كيك اسفنجى انا عملتة ولونتة باللون الموف

مقاديره كالتالى

نصف كوب سكر بودرة +نصف كوب بيض + نصف كوب دقيق + معلقة صغيرة بودر+ معلقة كبيرة ماء مغلى

نخفق السكر مع البيض والفانليا وعصرة ليمون والماء المغلى الى ان يهش نضيف اللون ثم نخلط الدقيق مع البودر ونقلبة بخفة ونضعها فى صينة مقاس 24 مبطنة بورق زبدة

بهذا الشكل

وتخبز فى فرن حار ربع ساعة او اقل حسب الفرن وتترك جانبا
لتحضير قلب التورتة نحتاج الى مقدار ونصف من خليط السويسرول
عبارة عن
كوب ونصف دقيق + 6 بيضات وفانليا + كوب سكر بودرة + معلقة صغيرة باكينج بودر + معلقة ماء كبيرة
ونعملة بنفس فكرة خلط الكيك الاسفنجى

نقسم الخليط على 2 صينية مربعة او مستطلية مبطنة بورق زبدة وندخلها الفرن 8 دقائق فقط يا دوب علشان ما تنشفش

ودة شكلها بعد السواء

نقطع كل صينية الى 3 مستطيلات مع مراعاة انهم يكونوا نفس المقاس بالضبط

اقرا ايضاطريقة عمل صنية بطاطس صحية دايت بالصور والخطوات للشيف منوس ننوس

اقرا ايضاطريقة عمل أفخاذ الدجاج المشوية (دبابيس الفراخ) بالصور والخطوات للشيف منوس ننوس

اقرا ايضاطريقة عمل عيش السرايا من التوست بالصور والخطوات للشيف منوس ننوس

اقرا ايضاكورنية كنافة بالكريمة والمكسرات (قراطيس كنافة) بالصور للشيف منوس ننوس

نحتاج الى مقدار من الكريم شانتى وانا لونته باللون الموف زى القاعدة

نجيب الديسك وندهنة بالكريمة

ركزوا معايا بقة ثم ندهن قطعة مستطيلة بالكريمة ونلفها زى السويسرول 

ونوقفها على الديسك

يارب تكون الفكرة وضحت وهكذا مع باقى الشرائح ندهن كريمة ونمسك الشريحة ومن مكان ما انتهت اول واحدة نبدا بلف التانية وهكذا

الى ان ننتهى من الشرائح بهذا الشكل

ودة شكلها من فوق علشان الفكرة تكون واضحة

نغلفها كلها بالكريمة ونزينها حسب الرغبة انا زينتها حاجة بسيطة سريعة

بهذا الشكل

الفكرة فى التورتة دى شكلها من الداخل ودة شكلها عند التقطيع بتكون طولية

وهنا للتوضيح اكتر

وتقدم بالهنا طبعا ممكن تستغنوا عن الالوان وممكن تحشى بين الطبقات مربى حسب الرغبة لكم حرية الاحلال والابدال
بالهنا

منوس ننوس
منى عبد المنعم