تحضير سويسرول شيكولاته بدقيق الاسبونج بطريقة سهلة بالصور لمنوس ننوس

المقادير

ربع كيلو دقيق اسبونج شيكولاتة ما يعادل كوب ونصف

3 بيضات + فانيليا

ربع كوب ماء

طريقة العمل

المقادير دى لصينية 30 فى 30 سم

نضع كل المكونات مع بعضها فى العجان ونخفق لمدة لا تقل عن ربع ساعة

هنا دة بعد خفق دقيقتين

نستمر فى الخفق الى ان نحصل على قوام كريمى رائع

طبعا ملاحظين الفرق

تصب فى صينة مبطنة بورق الزبدة

ندخلها  فرن حار على درجة حرارة عالية حوالى 5 الى 7 دقائق اهم حاجة ما تغبش فى الفرن

دة شكلها بعد ما استوت

نقلبها مباشرة على ورقة زبدة اخرى

ونلفها بالورقة ونتركها تبرد

نفردها ونحشيها كريم شانتى شيكولاتة ونغلفها بصوص الشيكولاتة

الصوص عبارة عن شيكولاتة خام وحليب مكثف محلى ونقاط حليب عادى صوص فوق الرائع

هنا انا حشيتها كريمة بس معلش الصورة معكوسة انا بلف من هناك

بالشكل دة لفيتها بدون الورقة خلاص وصبيت عليها الصوص وزينتها بالفورماسيلا وباقى الكريمة

اى رايكم طعمها تحفة بجد زى قطعة الجاتوة ننقلها على طبق التقديم ونتركها فى الثلاجة تتماسك

وتقطع وتقدم بالهنا

منوس ننوس

منى عبد المنعم