عمل الفطير المشلتت زى الفرن بطريقة سهلة جدا بالصور والتفصيل وغير مكلف مطبخ منوس

المقادير

كيلو دقيق

معلقة ملح صغيرة

ماء فاتر للعجن على حسب ما تلم العجينة معاكى

طريقة العمل

دى طريقة الفطير وطبعا مفيش فى المقادير لا بودر ولا خميرة نهائى فقط دقيق وملح وماء

وهنحتاج الى زبدة على زيت لفرد العجين فقط

نخلط مكونات العجينة الى ان يتكون لدينا عجينة طرية لا تلتصق فى اليد انا هنا عملت الكيلو 4 كرات بهذا الشكل وندهن الكرات زيت ونغطيها ونتركها ترتاح ساعة

ندهن طاولة او الرخامة بخليط الزيت على الزبدة وناخذ كرة واحدة فقط كل كرة هتعمل لينا فطيرة مورقة جدا وتحفة
ناخذ الكرة ونفردها بالنشابة على الزبدة والزيت بعد ما ارتاحت ساعة لازم

نفردها الاول بالنشابة

وبعدين نشدها بالليد من كل الاتجاهات الى ان تصبح رقيقة جدا وعلشان العجينة مرتاحة ومعجونة كويس بتمط معايا زى الاستك

شايفين كبرتها بحجم الطاولة وطبعا الطاولة كلها تكون مدهونة كويس بعد الخطوة دى ندهن نصف الفطيرة بالزبدة وممكن نضيف قشطة كمان حسب الرغبة

ثم نطوى النصف التانى عليها طبعا واحنا بنشتغل عادى جدا لو اتقطعت بسيط

ثم نطوى النصف الى ربع مع دهان خفيف بشرط كل السطح يكون مدهون علشان تورق

ثم نلمها من الزوايا الى دائرة مرة تانية وتوضع فى صينة الخبز مباشرة بس انا حطيتها على الطاولة علشان تشوفوها تانى

وطبعا لما نحطها يكون الجزء المضموم لتحت والمتساوى فوق بالشكل دة

نتركها ترتاح تانى ربع ساعة مثلا ثم نضغط عليها باليد ضغطتات خفيفة نفردها فى الصينة بالشكل دة

وندخلها فرن حار جدا بتاخد حوالى تلت ساعة ودة شكلها جوة الفرن بتنتفخ وتورق بالشكل دة

وهنا بعد ما استوت وهكذا مع باقى الكرات نكرر الخطوات بنفس الطريقة وتقدم بالهنا

منوس ننوس

منى عبد المنعم