جولاب جامون (حلوى كرات الحليب) حلوى هندية بالصور وخطوات منوس ننوس

صنف من انواع الحلوى الهندى اساسها الحليب البودرة

المقادير

كوب بودرة حليب نيدو

ربع كوب دقيق

معلقة صغيرة باكينج بودر

بيضة +فانيليا

2 معلقة كبيرة زبدة

شيرة او شربات للتقديم وممكن ننكه الشيرة ببودرة حبهان مطحون او كام فص سليم انا عملتة بالمطحون ناعم جدا

طريقة العمل

نضع الحليب البودرة والدقيق والبودر

ثم الزبدة ونفرك جيدا الى ان يصبح رملى

بهذا الشكل

نضيف البيضة والفانيليا ونخلط

نحصل على عجينة ناعمة ملساء تشبة الزبدة المخفوقة ممكن تلزق شوية بسيط بس مش مشكلة علشان ما تنشفش وتتكسر

نلمها بالشكل دة

ونشكلها الى كرات صغيرة انا عملتها حوالى 33 كرة واحنا بنكورها كل كام كورة لازم نغسل ايدينا او نمسحها بالمنديل

تقلى الكرات فى زيت غزير على نار هادئة ونضع جزء جزء صغير مش كلة مرة واحدة ونخلى بالنا لانها بتتحمر بسرعة جدا ونشيلها وهى ذهبية اللون بلاش نغمقها بتاخد ثوانى فى التحمير ونطلعها على ورق مناديل مطبخ لانها بتكون طرية فى الاول ولما تهدى وتبرد شوية بتنشف شوية وتتماسك كويس

هنا دة الشربات وطبعا لونة غامق لانى عملتة بالحبهان المطحون ودة سر النكهة ومقادير اشربات عبارة عن كوب سكر وكوب ماء ونصف ليمونةوحبهان مطحون بودرة لو متوفر ولو مش متوفر نضعة صحيح

بعد ما بردت كرات الحلوىنضعها فى الشربات برضوا جزء جزء يعنى نتعامل معها بحذر وتقدم بالهنا ممكن اضافة اى مكسرات انا حطيت فزدق

وتقدم بالهنا دة شكلها من قريب

منوس ننوس

منى عبد المنعم