سينابون بصوص الكراميل والشيكولاته وصوص الكيري من مطبخ إيمان زين

المقادير

نص كيلو دقيق

بيضة كبيرة او بيضتين بلدى

معلقتين كبار زبدة

نص معلقة كبيرة خميرة فورية نوع كويس (انا استخدمت التركى ممتازة)

تمن كوباية سكر بودرة

مج لبن دافي او حسب ما تاخد منك العجينة وممكن استبدالة بمعلقتين لبن بودر وومج مية دافية

ذرة ملح

الطريقة

نحط المواد الجافة مع بعض (الدقيق والخميرة واللبن البودرة وذرة الملح) ونقلب كويس ونضيف الزبدة او سمنة نوعها كويس والبيضة ونقلب وانزل بالمية الدافية براحة واعجنها كويس جدا لمدة لا تقل عن خمس دقايق واحطها فعلبة محكمة لتخمر ودى نقطة مهمة وفرقت معايا كتير كنت بحط العجين فى بولة واغطيها واحطها فمكان دافي اما استخدمت علبة محكمة الغلق وعليها كيس بلاستيك فرقت معايا كتير جدا فالتخمير بسرعة وبشكل كويس جدا واسيبها ساعه هتخرجيها على الرخامة بعد رشها بدقيق خفيف وتفردى العجينة بالنشابة وتكونى محضرة الاتى

كوب سكر بنى او البديل (كوب سكر علية معلقتين عسل اسود وتقلبية كويس جدا) وعلية معلقة كبيرة قرفة ومعلقة ص كاكاو خام

هندهن العجينة كلها بزبدة بدرجة حرارة الغرفة مش سايحة وتحجطى السكر البنى المضاف الية القرفة والكاكاو وتفردية كويس جدا ما عدا الاطراف وتلفية زى السويسرول بالظبط وهتجيبي سكينة مشرشرة وبراحة جدا هتحطى 3 صوابع عشان يكون بمقاس واحد وتقطعية براحة جدا متضغطيش علسكينة ودى نقطة مهمة وترصية فصاج وهتسيبي مسافات كبيرة لاننا هنغطية تانى ونسيبة يخمر مرة تانية نص ساعة كمان وتدخليىة درجة حرارة 170 فالرف الاوسط فالفرن لغاية ما يستوى وتحضري الصوص انا عملت صوص شيوكلاتة وكراميل وكيرى كلاتى

صوص الشيوكلاتة وجربية جميل جدا

معلقة ص زبدة عالنار تضيفي لها معلقة ونص كبار كاكاو خام ومعلقة ونص سكر بودرة وتقلبي بسرعة وتنزلى باللبن سرسوب براحة لغاية القوام واللون اللى تحبية الصوص دة اكتر من روووعة وممكن استخدامة فحاجات تانية كتير وهتجربوة وتدعولى ان شاء الله

صوص الكراميل

كوب سكر ناعم جدا شرط فى كاسرولة عالنار وتكون النار هادية ويبيبة متحركهوش انا مش بضيف مية نهائي وتسيبيبة هيسيح وحركى براحة الكاسرولة لغاية ما كلة يسيح هتنزلى براحة جدا وخدى بالك من وشك بكوباية لبن كامل الدسم وعلية معلقة قشطة فى طرق بيتعمل بقشطة او كريمة لبانى بس بيكون تقيل جدا انا عملت دة وجميل جدا وفى الاخر ضيفي ربع معلقة ذبدة للمعان واطفي

اما يستوى السبنابون هتسيبية يهدى شوية وهتنزلى علية بالصوصات دى والافضل ياخد رشة عين جمل طبعا بس مكنش متوفر عندى

والف هنا smile رمز تعبيري

اتمنى تجربوة وينال اعجابكم

واى استفسار انا موجودة