المكونات والمقادير
هنا الكميات حسب الرغبة
نحتاج الى مثلا نصف كيلو لحم مفروم
نصف كيلو رز بسمتى
بصلة مبشورة
حبة واحدة طماطم مبشورة
معلقة كبيرة كارى
معلقة صغيرة كركم
معلقة صغيرة بابريكا لو متوفرة
فصين حبان
اعواد قرنفل
عود قرفة كبير
طريقة التحضير
هنا نجهز المفروم الاول نخلطة مع بصلة مفرومة وملح وفلفل اسمر وبهار لحم ومعلقة بقسماط مطحون وعصرة ليمون ونخلطة كويس ثم نشكلها الى كرات متوسطة الحجم بهذا الشكل
المصفاة اللى انتم شايفينها فى الصورة دى انا حطيت فيها الحبهان والقرفة والقرنفل وممكن قطعة شاش ونربطها علشان الرز ياخد النكهة بدون ان يتواجدوا عند الاكل
نحضر الحلة او القدر ونضع معلقة كبيرة زيت ونشوح كرات الكفتة مع البصلة المفرومة والطماطم والبهارات الكارى والكركم والبابريكا بهذا الشكل
نكون غسلنا الرز البسمتى انا بعملة بدون نقع دة حوالى كوبيتين رز بضيف عليهم كوب ونصف ماء بعد ما شوحنا الكرات نضيف الرز مع الماء ونضبط الملح والفلفل الاسمر ونضع المصفاة او الشاشة اللى فيها اعواد البهاراتونغطسها فى الرز ونقلبها ونتركها تغلى ثم نخفض النار خالص ونتركها تستوى على نار هادئة حوالى ساعة الاربع
ودة شكلة بعد اضافة الماء نتركة يستوى
ودة شكلة النهائى يقدم بالهنا لذيذ جدا ان شاء الله يعجبكم
***منوس ننوس**
(منى عبد المنعم )
تعليقات
إرسال تعليق