المقادير
للكريم كراميل
2 باكيت كريم كراميل دريم +2ونصف كوب حليب +ربع كوب حليب بودرة
مقادير الكيك
ثلاثة ارباع كوب دقيق + ربع كوب كاكاو خام +معلقة كبيرة باكينج بودر +كوب سكر +كوب بيض (يعنى نكسر البيض فى الكوب على حسب ماياخد ودة افضل لان احجام البيض مختلفة) +عصير ليمونة وفانيليا +2 معلقة كبيرة ماء مغلى
طريقة التحضير
اولا نحضر الكريم كراميل نضع كل مقادير الكريم كراميل مع بعض ونقلبة كويس ونضعة على النار حتى الغليان وهنا نحضر اى قالب تحبوة ونضع باكيت الكراميل الصوص البنى فى قاع القالب بهذا الشكل
ثم نصب فوقة خليط الكريم ونتركة يبرد ثم للامان نضعة ربع ساعة فى التلاجة علشان نكون مطمأنين واحنا بنحط الكيك على ما نجهز الكيك معلش الصورة دى نسيت اصورها
هنا نبدا فى تحضير الكيك
نضع السكر والبيض والفانيليا والليمون ونخفق دقيقتين ثم نضيف الماء المغلى علشان نسخن الخليط ويعمل فوليم ونستمر فى الخفق
الى ان نحصل على خليط هش لونة فاتح وملاحظين الكمية ارتفعت ازاى ولازم نستمر فى الخفق الى ان نحصل على هذا الشكل
هنا نبدأنضيف المواد الجافة بس طبعا ننخل المواد الجافة مرتين علشان ندخل كمية هواء كبيرة وتطلع الكيكة اسفنجية
المرحلة دى انا دائما كنت بعملها بالاسباتيولا لكن انا جرب اخلط المواد الجافة بالمضرب لكن على سرعة بطيئة جدا بصراحة طلعت مضبوطة جدا وما هبطتش ابدا
ودة شكل خليط الكيك النهائى
هنا نطلع القالب من الثلاجة ونضعة بداخل صينية فرن اكبر لانة هايستوى على حمام مائى ونصب الكيك فوق الكريم كراميل بالشكل دة ومتخافوش مش هاتنزل تحت لان قوام الكيك اخف من الكريم كراميل
نصب فى الصينية ماء مغلى الى نصف الصينة فقط ونكون مشغلين الفرن ونضعها بتاخد حوالى ساعة الاربع ودة شكلها اول ما طلعتها من الفرن
شايفين شكلها طبعا هانسيبها تبرد خالص وبعدين نحطها فى الثلاجة من الليل للصبح او حوالى 5 ساعات تجمد ونقلبها ودة شكلها من الجنب الكيك مستوى وهش جدا
وبالهنا والشفا
جميل جدا
ردحذفشكرررررررررررا
حذف